12:32, 27 - شىلدە 2014 | GMT +5
ايگۇل يمانبايەۆانىڭ تەاترى ماكەدونياداعى فەستيۆالدە باس جۇلدەنى ەنشىلەدى
استانا. قازاقپارات - ايگۇل يمانبايەۆانىڭ «ا. ي.» مۋزىكالىق-تەاترلىق ورتالىعى ماكەدونياداعى «ستوبي» انتيكالىق تەاترلاردىڭ XIII حالىقارالىق فەستيۆالىندە گران-پري سىيلىعىنا يە بولدى.
بۇل تۋرالى Instagram ارقىلى اكتريسا ايگۇل يمانبايەۆانىڭ ءوزى حابارلادى.
«دوستار، قولداۋلارىڭىزعا راحمەت! «ا. ي.» مۋزىكالىق-تەاترلىق ورتالىعى ماكەدونياداعى «ستوبي» انتيكالىق تەاترلاردىڭ XIII حالىقارالىق فەستيۆالىندە گران-پري سىيلىعىنا يە بولدى»، - دەپ جازدى ول.
«ا. ي» تەاترىنىڭ ۇجىمى فەستيۆال كورەرمەندەرىنە «مەدەيا» سپەكتاكلىن ۇسىنعان.
ايتا كەتەيىك، ايگۇل يمانبايەۆا قازاقستاندىقتارعا اكتريسا رەتىندە عانا ەمەس، ءانشى، تانىمال شوۋ-باعدارلامالاردىڭ تەلەجۇرگىزۋشىسى رەتىندە دە بەلگىلى.
اۆتور: جاسۇلان جولدىبايەۆ
