10:41, 27 - شىلدە 2014 | GMT +5
قارماقتىڭ كومەگىمەن دۇكەن توناعان
استانا. قازاقپارات - رەسەي ەلىندەگى ومبى وبلىسىنىڭ تۇرعىنى جەرگىلىكتى دۇكەندى قارماقتىڭ كومەگىمەن توناعان، دەپ جازادى لەنتا. رۋ.
25 - شىلدە كۇنى پوليتسيا بولىمشەسىنە بەيتانىس بىرەۋلەر دۇكەننىڭ تەرەزەسىن سىندىرىپ، ىشىنەن الكوگولدى ىشىمدىكتەردىڭ ۇرلاعانى تۋرالى اقپارات كەلىپ ءتۇستى.
ۇرلىققا قاتىسى بار دەگەن كۇدىكپەن 1993 - جىلعى سول جەردىڭ ازاماتى ۇستالدى. ايعاق رەتىندە ونىڭ قارماعى تاركىلەنگەن. كۇدىكتى اقشا قاجەت بولعاندىقتان وسىنداي قادامعا بارعاندىعىن ايتتى. اتالعان وقيعاعا قاتىستى قىلمىستىق ءىس قوزعالدى، جاس جىگىت 5 جىلعا دەيىن باس بوستاندىعىنان ايىرىلۋى مۇمكىن.
