فۋدزي جانارتاۋىنىڭ بوكتەرىنە توكيو اۋەجايىنان تىكەلەي ەكسپرەسس جۇرەتىن بولدى

استانا. قازاقپارات - جاپونيادا فۋدزي جانارتاۋىنىڭ بوكتەرىنە توكيو اۋەجايىنان تىكەلەي ەكسپرەسس جۇرەتىن بولدى.

فۋدزيگە دەيىن جول جۇردەك پويىزبەن ءۇش جارىم ساعاتقا سوزىلادى. ال ول جەرگە بارعىسى كەلگەندەر 7040 يەنمەن (70 دوللارعا جۋىق) جەتە الادى. سوڭعى ايالداما - جانارتاۋعا شىعۋ ءۇشىن سۇرلەۋ جولدىڭ ءبىرى باستالاتىن كاۆاگۋتيكو كولى جاعالاۋىنداعى وسى اتتاس ستانسا. پويىز بۇل باعىت بويىنشا ءار دەمالىس كۇندەرى قىركۇيەكتىڭ سوڭىنا دەيىن فۋدزي شىڭىنا شىعۋ ماۋسىمى اياقتالعانشا جۇرەتىن بولادى.

جاپونياداعى ەڭ بيىك تاۋ ءفۋدزيدىڭ بيىكتىگى - 3776 مەتر. ءارى وتكەن جىلى ماۋسىمدا فۋدزي يۋنەسكو-نىڭ تابيعي مۇرالار تىزىمىنە ەنگىزىلدى، وعان باراتىن ادامدار سانى، ونىڭ ىشىندە شەتەلدىكتەردىڭ كەلۋى كۇرت وسۋدە، 2013 - جىلعى ماۋسىم ناتيجەسى بويىنشا رەكوردتىك كورسەتكىشكە - 370 مىڭ ادامعا جەتتى.