قازاقستان كومانداسى «تانك بياتلونى» جارىسىنا قاتىسادى- فوتو
تانك بياتلونى بويىنشا وتەتىن الەم چەمپيوناتىنا انگولا، ارمەنيا، بەلارۋس، ۆەنەسۋەلا، ءۇندىستان، قازاقستان، قىرعىز، قىتاي، موڭعوليا، رەسەي جانە سەربيا سياقتى 12 ەلدىڭ اسكەري قىزمەتشىلەرى قاتىسادى.
«حالىقارالىق جارىستا قازاقستان نامىسىن «باتىس»، «شىعىس» جانە «وڭتۇستىك» وڭىرلىك قولباسشىلىقتارىنان جاساقتالعان ءۇش نەگىزگى جانە ءبىر قوسالقى ەكيپاج قورعايتىن بولادى. اسكەري دەلەگاتسيا قۇرامىنا جاۋىنگەرلىك دايارلىق وكىلدەرى مەن تانكىگە تەحنيكالىق قىزمەت كورسەتۋ ماماندارى ەنگەن.
ءبىزدىڭ تانكىشىلەر كاسىبي تۇرعىدا جاقسى دايىندالعان، بارلىق نورماتيۆتەردى ۇزدىك ورىنداپ ءجۇر»، - دەپ اتاپ ءوتتى ق ر ق ك قۇرلىق اسكەرلەرى باس قولباسشىسىنىڭ ورىنباسارى گەنەرال- مايور ءامىر حالىقوۆ.
جارىس بارىسىندا قاتىسۋشىلار مارش جاساپ، جەردەگى جانە سۋداعى كەدەرگىلەردى ەڭسەرىپ، 900 مەتردەن 2200 مەترگە دەيىنگى قاشىقتىقتان ءۇش ءتۇرلى نىسانانى جويۋى كەرەك.
