12:32, 26 - شىلدە 2014 | GMT +5
سۋديا سوت ۇدەرىسى بارىسىندا ۇيىقتاپ قالدى
استانا. قازاقپارات - اعىلشىندىق مانچەستەر سۋدياسىنا قارسى قىزمەتتىك تەرگەۋ باستالدى، ول بالانى زورلاۋ تۋرالى ءىس بويىنشا وتىرىستا ۇيىقتاپ قالعان، دەپ حابارلايدى BBC.
ادۆوكاتتار سوتتا ءىستى قاراعان ءبىرىنشى كۇنى سۋديا فيليپپ كاتتانعا قارسى شاعىمداندى. ولاردىڭ ايتۋىنشا، كاتتان جابىرلەنۋشىدەن ەكى جاقتان جاۋاپ الۋ بارىسىندا قالعىپ كەتكەن.
سوت ءىسى توقتاتىلدى. سۋديا قىلمىستىق تەرگەۋ اياقتالعانعا دەيىن وزىنە قارسى ايىپقا تۇسىنىكتەمە بەرۋدەن باس تارتتى. كاتتان جىلىنا 15-30 كۇن ىشىندە سۋديا قىزمەتىن ورىندايتىن رەكوردشى ادۆوكات بولىپ تابىلادى. كورولدىك پروكۋراتۋرا بالانى زورلاۋ تۋرالى ءىستى جاڭادان قاراۋعا بەرەتىنىن ءمالىم ەتتى.
