11:19, 26 - شىلدە 2014 | GMT +5
امستەردامداعى حالىقارالىق اۋەجايدا بوينگ ۇشاعى اپاتىندا قازا تاپقاندارعا ارنالعان ەسكەرتكىش اشىلماق
استانا. قازاقپارات - امستەردامداعى حالىقارالىق اۋەجايدا مالايزيالىق Boeing ۇشاعى اپاتىندا قازا تاپقاندارعا ارنالعان ەسكەرتكىش اشىلماق. بۇل تۋرالى جۇما كۇنى اۋەجايدىڭ باسپا ءسوز قىزمەتى حابارلادى.
«قازىرگى ۋاقىتتا مەموريالعا بايلانىستى ماسەلەلەردى ويلاستىرۋدامىز، - دەدى اۋەجاي وكىلى. - ەسكەرتكىش مىندەتتى تۇردە بولادى. تەك ازىرگە ونىڭ قاي جەردە ورناتىلاتىندىعى، قانداي بولاتىندىعى شەشىلمەي وتىر».
ايتا كەتەر جايت، اۋەجايدىڭ ءۇشىنشى تەرمينالى ۇشاق اپاتىندا مەرت بولعانداردىڭ ەسكەرتكىشىنە اينالعانداي. مۇندا مىڭداعان ادام قازا تاپقانداردى ەسكە الۋ ءۇشىن كۇن سايىن گۇلدەر، ويىنشىقتار اكەلۋدە.
