كەشە «گۇلنار تۋر» كومپانياسى تۋريستەرىنىڭ العاشقى توبى الماتىدان انتالياعا ۇشىپ كەتتى
«Atlasjet Airlines» اقپاراتىنا سۇيەنسەك، 25- شىلدەدە تاڭعى ساعات 3:50 دە «گۇلنار تۋر» كومپانياسى تۋريستەرىنىڭ ءبىرىنشى توبى الماتىدان انتالياعا ۇشتى. بورتتا بارلىعى 209 جولاۋشى بولدى، ولاردىڭ 17 ءسى «گۇلنار تۋر» كومپانياسىنىڭ كليەنتتەرى»، - دەلىنگەن باسپا ءسوز پاراعىندا.
«Atlasjet Airlines» اۆياكومپانياسىنىڭ اقپاراتتارىنا سۇيەنسەك، بۇگىندە بيلەتتەرىن قايتا رەسىمدەگەن «گۇلنار تۋر» كومپانياسى تۋريستەرىنىڭ سانى 300 گە جۋىق ادامدى قۇرادى.
بيلەتتەردى قايتا رەسىمدەۋ ءۇشىن اۆياكومپانيا وكىلدىگىنە حابارلاسۋ قاجەت، وزىمەن بىرگە اۆياۇشۋ تولەمىنىڭ قۇجاتتامالىق راستاۋى، ەلەكتروندىق بيلەت، قوناق ءۇي اقىسى تولەمىنىڭ قۇجاتتامالىق راستاۋى بولۋى ءتيىس. قوناق ءۇي اقىسى تولەمىنىڭ قۇجاتتامالىق راستاۋى بولماعان جاعدايدا، ۇشۋعا رۇقسات جوق، دەلىنگەن حابارلامادا.
«Atlasjet Airlines» اۋە كومپانياسىنىڭ وكىلدەرى مىنا مەكەنجايدا ورنالاسقان:
استانا، عابدۋللين كوشەسى، 18، ە بلوگى، «7 كونتينەنت» ت ك.
الماتى، قۇرمانعازى كوشەسى، 66 (ابىلايحان بۇرىشى).
انىقتاما: اعىمداعى جىلعى شىلدەدە قازاقستاندىق مەملەكەتتىك ورگاندارمەن «Atlasjet Airlines» اۆياكومپانياسىنىڭ اراسىندا «گۇلنار تۋر» تۋريستىك كومپانياسى «Atlasjet Airlines» اۆياكومپانياسىنىڭ بيلەتتەرىن تولەگەن جولاۋشىلارىن وتەۋسىز قابىلداۋ تۋرالى مىندەتتەمەلەردى ورىنداۋ تۋرالى كەلىسىمگە قول جەتكىزىلگەن.
استانادان شىعاتىن رەيستەر كەستەسى:
ك ك 761 استانا 04:00 انتاليا 06:20 اپتانىڭ 1, 2, 4 كۇندەرى
ك ك 760 انتاليا 18:30 استانا 02:25 اپتانىڭ 1 ,3, 7 كۇندەرى
الماتىدان شىعاتىن رەيستەر كەستەسى:
ك ك 758 الماتى 03:50 انتاليا 06:45 اپتانىڭ 2, 5, 7 كۇندەرى
ك ك 757 انتاليا 18:30 الماتى 02:45 اپتانىڭ 1, 4, 6 كۇندەرى
