قىزىلوردا وبلىسىندا ءبىرىنشى جارتىجىلدىقتىڭ قورىتىندىسى شىعارىلدى

قىزىلوردا. قازاقپارات - كەشە وبلىس اكىمى ق. كوشەربايەۆتىڭ قاتىسۋىمەن وتكەن كەڭەستە ءبىرىنشى جارتىجىلدىق قورىتىندىلاندى. ايماقتىڭ دامۋ كورسەتكىشتەرىن وبلىس اكىمىنىڭ ورىنباسارى ناتاليا گودۋنوۆا بايانداپ بەردى، دەپ حابارلادى وبلىستىق اكىمدىكتىڭ باسپا ءسوز قىزمەتىنەن.

بايانداماشى وبلىس اكىمىنىڭ ءىس-قيمىل جوسپارىندا بەلگىلەنگەن 26 شارانىڭ 25 ءى ناقتى جۇزەگە اسقاندىعىن اتاپ ءوتتى. تەك تالسۋات اۋىلىنداعى جۇيكە جۇيەسى اۋرۋلارىنا ارنالعان ديسپانسەردىڭ قۇرىلىسى اياقتالماعان. بۇل نىسان كەلەسى جىلى پايدالانۋعا بەرىلەتىن بولدى. جالپى ايماقتىڭ دامۋ كورسەتكىشىندە ىلگەرۋشىلىك بار. ماسەلەن، كىرىس كولەمى، وندىرىلگەن ءونىم، سالىق ءتۇسىمى وتكەن جىلدىڭ وسى كەزەڭمەن سالىستىرعاندا ارتقان.

وبلىستىق كاسىپكەرلىك جانە تۋريزم باسقارماسى باسشىسىنىڭ مىندەتىن اتقارۋشى قۇرمانكۇل داتقابەكوۆا كاسىپكەرلىك سالاسىن دامىتۋ ارقىلى تۇراقتى جۇمىس ورنىنىڭ سانى ۇلعايعاندىعىن جەتكىزدى. شاعىن جانە ورتا كاسىپكەرلىك سۋبەكتىلەرى 24858 گە جەتىپ، بيۋجەتكە 11,9 ميلليارد تەڭگە سالىق ءتۇستى.

«بايقوڭىر» ا ك ك ۇ ق» ا ق-ى باسقارما ءتورايىمى جانات سامات جىل باسىنان بەرى اتقارعان جۇمىستارىن سارالاپ بەردى. 2013 - جىلى الەۋمەتتىك-كاسىپكەرلىك كورپوراتسيا قارجىلاي ساۋىقتىرۋ باعادارلاماسىن جاساقتاپ، ونى ناتيجەلى جۇزەگە اسىردى. ءتىپتى كومپانيانىڭ قارجىلىق جاعدايى رەسپۋبليكامىزدا ۇزدىك دەپ تانىلدى.

كاسىپتىك تەحنيكالىق ءبىلىم بەرۋ جۇيەسىن دامىتۋ جونىندە وبلىستىق ءبىلىم باسقارماسى باسشىسىنىڭ مىندەتىن اتقارۋشى باقىتجان سايلىبايەۆ باياندادى. ايماعىمىزداعى 34 كاسىپتىك تەحنيكالىق ءبىلىم بەرۋ ۇيىمدارىندا 25953 ستۋدەنت وقيدى. تۇڭعىش رەت وبلىستا جاساقتالعان ەڭبەك رەسۋرستارىنىڭ بالانسى ناقتى ماماندىق يەلەرىنە دەگەن سۇرانىستى الدىن-الا بولجاۋعا مۇمكىندىك بەردى. قازىر قىزىلوردا وبلىسىنىڭ تاجىريبەسىن باسقا ايماقتاردا باسشىلىققا الۋدا.

وبلىس بيۋجەتىنىڭ ورىندالۋ جونىندە قارجى باسقارماسىنىڭ باسشىسى تالعات جاقىپبايەۆ مالىمدەدى. ءبىرىنشى جارتىجىلدىقتىڭ بولجامى 102,6 پايىزعا ورىندالدى. ونىڭ ىشىندە كىرىس بولىگى 113,3 پايىزعا، ال بيۋجەتتىڭ يگەرىلۋى 98,3 پايىزدى قۇرادى.

اۋىلدىق دەڭگەيدە اكىمشىلىك رەفورمانى جۇزەگە اسىرۋ بارىسى تۋرالى وبلىستىق ەكونوميكا جانە بيۋدجەتتى جوسپارلاۋ باسقارماسىنىڭ باسشىسى ساۋلە ق ۇلىمبەتوۆا ايتىپ بەردى.

2013 - جىلدان باستاپ اۋىل اكىمدەرىنە بۇرىن وبلىس جانە اۋدان اكىمدەرىنىڭ قۇزىرەتىندە بولعان ءبىرقاتار فۋنكتسيا بەرىلدى. ارنايى جۇمىس توبى جاساقتالىپ، ونىڭ مۇشەلەرى ەلدى مەكەندەرگە بارىپ اۋىل اكىمدەرىنە ادىستەمەلىك، كونسۋلتاتسيالىق كومەك كورسەتتى.

لاۋازىمدى تۇلعالاردىڭ باياندامالارىن تىڭداعان وبلىس اكىمى ولاردىڭ ەكىنشى جارتىجىلدىقتاعى جۇمىسىن ءارى قاراي وڭتايلاندىرۋ ماقساتىندا ءبىرقاتار تاپسىرما بەردى.

اۆتور: ەلۋباي اۋەزوۆ