جاپونيادا الەمدەگى ەڭ تەز ليفت جاسالدى
ليفت ءوندىرۋ سالاسىندا داڭقى بار رىلي كومپانياسى ساعاتىنا 72 شاقىرىمدىق جىلدامدىقپەن جۇرە الاتىن ليفت جاساپ شىققان.
ءوندىرۋشى كاسىپورىننىڭ جاۋاپتى قىزمەتكەرىنىڭ ايتۋىنشا، وسىدان بۇرىن الەمدەگى ەڭ تەز ليفت تايۆاندا بولعان ەكەن. ول ساعاتىنا 60,6 شاقىرىمدىق جىلدامدىقپەن جۇرە الادى. «بۇل ليفت ءبىز ايتىپ وتكەن تايۆانداعى ءليفتتىڭ نەگىزىندە جاسالدى. 95 قاباتتىق بيىك عيماراتقا 43 سەكۋندتا شىعۋعا بولادى»، - دەيدى كومپانيا قىزمەتكەرى.
ليفتكە كىرگەن ادامنىڭ جوعارى جىلدامدىق بارىسىندا تۋىلاتىن فيزيولوگيالىق جايسىزدىعىن جويۋ ءۇشىن، ادامدى راحاتتانۋ سەزىمىنە بولەۋ ءۇشىن ءليفتتىڭ ىشىنە سىلكىنىستەن ساقتانۋ قۇرىلعىسىن ورناتقان. عيماراتقا كۇش تۇسىرمەۋ ءۇشىن ءليفتتىڭ ارقانىنىڭ سالماعى دا بۇرىنعىدان %30 عا جەڭىلدەگەن.
الەمدەگى ەڭ تەز ليفت العاش رەت قىتايدىڭ گۋاڭجوۋ قالاسىنداعى بيىكتىگى 530 مەترلىك، 111 قاباتتان تۇراتىن عيماراتقا قولدانىلماقشى ەكەن. ەكونوميكاسىنىڭ تەز قارقىندا دامۋىنا ىلەسىپ قىتاي مەملەكەتىنىڭ ليفتكە دەگەن سۇرانىسى دا كۇن سايىن ارتىپ وتىر. «الەمنىڭ ليفت نارىعىنىڭ %60 بازارى قىتايدا، سوندىقتان الەمدەگى ليفت وندىرەتىن الپاۋىت كومپانيالار وسى نارىقتى جاۋلاۋ ءۇشىن جانتالاسۋدا»، - دەيدى ماماندار.
دايىنداعان: سۇڭقار اقبوز
