اناسىنا ءتىل تيگىزگەنى ءۇشىن سوتقا تارتىلدى

كوكشەتاۋ. قازاقپارات - اتباسار اۋدانىنىڭ تۇرعىنى اناسىن قۇرمەتتەمەگەنى ءۇشىن اكىمشىلىك جاۋاپكەرشىلىككە تارتىلدى.

بۇل تۋرالى وبلىستىق سوتتىڭ باسپا ءسوز قىزمەتىنەن حابارلادى.

«اۋەلى اناڭا، تاعى دا اناڭا، سودان سوڭ اكەڭە جاقسىلىق جاسا»، «كىمدە-كىم اتا-اناسىنىڭ ريزالىعىن العان بولسا، سونىڭ ءومىرى ۇزارادى»، «جۇماقتىڭ كىلتى - انانىڭ تابانىنىڭ استىندا» دەگەندى ەستىگەننەن كەيىن جەر باسىپ جۇرگەن پەندەنىڭ ءبارى انالارىنا باس ءيىپ، تاعزىم ەتىپ ءوتۋى ءتيىس. دەسەك تە، ارامىزدا ءوز اناسىن قۇرمەتتەۋ بىلاي تۇرسىن، مازاسىن الىپ، ءتىل تيگىزەتىندەر دە بار.

جاقىندا اتباسار اۋداندىق سوتى اۋدان تۇرعىنى ازامات ت. عا قاتىستى اكىمشىلىك ءىستى قارادى. ازامات ت. 2014 - جىلدىڭ 27 -ماۋسىمىندا ۇيىنە اراققا سىلقيا تويىپ كەلىپ، اناسى س. مەن جانجالداسىپ قالعان. وعان ءتىل تيگىزىپ، بالاعات سوزدەر ايتقان، ياعني ق ر اكىمشىلىك قۇقىق بۇزۋشىلىق تۋرالى كودەكستىڭ 79-5 بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىق جاساعان.

اناسىن رەنجىتكەن ت. سوتقا تارتىلدى. سوت قاۋلىسىمەن ول وسى جاساعان قۇقىق بۇزۋشىلىعى ءۇشىن كىنالى دەپ تانىلىپ، وعان ەكى تاۋلىك مەرزىمگە اكىمشىلىك قاماۋعا الۋ جازاسى تاعايىندالدى.

اۆتور: اسلان وسپانوۆ