شىمكەنت پەن تاراز اراسىندا جەراستى جولى سالىنادى

استانا. قازاقپارات - «باتىس ەۋروپا - باتىس قىتاي» اۆتوماگيسترالىنىڭ شىمكەنت پەن تاراز ارالىعىنداعى ۋچاسكەسىندە جەراستى جولى سالىنادى. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر كولىك جانە كوممۋنيكاتسيا ۆيتسە-ءمينيسترى مەرەكە پىشەمبايەۆ ءمالىم ەتتى.

«شىمكەنت پەن تاراز ارالىعىنداعى شەكارادا جۇمىستار جۇرگىزىلۋدە. بۇل جەردە ءبىز قازاقستانداعى ەڭ ءبىرىنشى توننەل سالۋدى جوسپارلاپ وتىرمىز. جۇمىستى يران كومپانياسى جۇرگىزۋدە. جامبىل وبلىسىندا قورداي ەلدى مەكەنىن اينالىپ وتەتىن جول ۋچاسكەسى اياقتالۋعا جاقىن. ونى بيىل بىتىرەمىز»، - دەدى ۆيتسە-مينيستر.

ايتا كەتەيىك، «باتىس ەۋروپا - باتىس قىتاي» كولىك ءدالىزىنىڭ قازاقستان اۋماعىنداعى جالپى ۇزىندىعى 2787 شاقىرىمدى قۇرايدى. جوبانى 2015 - جىلى تولىعىمەن اياقتاۋ جوسپارلانعان. بيىل جولدىڭ 157 شاقىرىمى پايدالانۋعا بەرىلمەك. جالپى قازىرگى ۋاقىتتا 1345 شاقىرىم جولدا قۇرىلىس جۇرگىزىلۋدە. وعان 35 مىڭ ادام مەن 4 مىڭ قۇرىلىس تەحنيكاسى جۇمىلدىرىلعان.

اۆتور: مارلان جيەمباي