فرانسيا بيلىگى الجيرلىك ۇشاق قۇلاتىلدى دەگەن بولجامدى تەرىسكە شىعاردى

استانا. قازاقپارات - بورتىندا 116 جولاۋشى بولعان الجيرلىك Air Algerie ۇشاعىنىڭ اپاتقا ۇشىراۋىنىڭ سەبەبى اۋا رايىنىنىڭ قولايسىزدىعى دەپ سانايدى فرانسۋز بيلىگى.

ۇشاق اتىپ ءتۇسىرىلدى دەگەن نۇسقا تەرىسكە شىعارىلدى، دەپ ناقتىلادى فرانسيانىڭ كولىك بويىنشا مەملەكەتتىك حاتشىسى فرەدەريك كيۋۆەلە. بۇل تۋرالى BBC حابارلادى.

110 جولاۋشىسى جانە التى ەكيپاج مۇشەسى ۇشقان McDonnell Douglas MD-83 ۇشاعى ۋاگادۋگۋدان (بۋركينا-فاسو استاناسى) الجيرگە AH5017 رەيسىمەن شىققان.

قازىرگى ساتتە جولاۋشىلار اراسىندا 51 فرانسۋز، 24 بۋركينا-فاسو ازاماتى، سەگىز ليۆاندىق، ءتورت الجيرلىك، ەكى ليۋكسەمبۋرگ ازاماتى، ءبىر بەلگيالىق، ءبىر شۆەيتساريالىق، ءبىر نيگەريالىق، ءبىر كامەرۋندىق، ءبىر ۋكراينا ازاماتى مەن ءبىر رۋمىندىق ازامات بولعانى انىقتالدى.

ۇشاق اپات بولعان ورىندى كۇزەتۋ ءۇشىن فرانسيا ماليگە اسكەري قىزمەتكەرلەرىن اتتاندىردى.