17:34, 25 - شىلدە 2014 | GMT +5
ماسكەۋدە الەمدەگى ەڭ ۇلكەن ساعات ورناتىلادى
استانا. قازاقپارات - ماسكەۋدە لۋبيانكا الاڭىنداعى ورتالىق بالالار دۇكەنىنىڭ الدىنا ەڭ ۇلكەن ساعات ورناتۋ جوسپارلانۋدا، دەپ حابارلادى .moya-planeta.ru
ول الەمدەگى ەڭ ۇلكەن ساعات بولماق جانە بيگ-بەن، كرەملدىك كۋرانتتار، پراگا مۇناراسىنداعى جانە گۋانجوۋداعى ساعاتتار ءتارىزدى تانىمال الەمدىك مەحانيكالىق ساعاتتار بەستىگىنە كىرەدى دەپ ۇيعارىلىپ وتىر.
ساعاتتى «راكەتا» ساعات زاۋىتى جاساۋدا. الۋميننەن، بولاتتان جانە جەزدەن جاسالعان ساعات مەحانيزمىنىڭ سالماعى - 5 توننا. بالالار دۇكەنىنە ساعات 2014 - جىلدىڭ جەلتوقسانىنىڭ باسىندا ورناتىلادى دەپ جوسپارلانىپ وتىر. ساعات مەحانيزمىنىڭ كولەمى 6 ح7 م، ول 21 تەگەرشىكتەن، ديامەترى 3 م، ۇزىندىعى 13 مەتر ماياتنيكتەن تۇرادى. بۇگىندە مۇنداي كولەمدى تەگەرشىگى بار جۇمىس ساعاتتارى جوق.
