بەيجىڭ قالاسىندا تامىزدان باستاپ تەگىن ينتەرنەت جۇمىس ىستەيدى
بۇل تۋرالى اقپارات قۇرالدارىنا بەيجىڭ قالاسىنداعى قوعامدىق كولىكتەرگە قويىلاتىن اقىسىز Wi-Fi جۇيەسىنە جاۋاپتى بەيجىڭ يلۋ اقپارات جاۋاپكەرشىلىگى شەكتەۋشى سەرىكتەستىگى مالىمدەدى.
«ەكى اي بويى بەيجىڭ جىلجىمالى حابارلاسۋ كومپانياسىمەن بىرلەسە وسى جوباعا سىناق جۇرگىزدىك. تامىز ايىنان باستاپ «WiFi16» دەپ اتالاتىن سىمسىز عالامتور جۇيەسى بارلىق قوعامدىق كولىكتە جۇمىس ىستەيتىن بولادى»، - دەيدى جوباعا جاۋاپتى مامان.
دەرەك كوزدەرىنىڭ حابارلاۋىنشا، بۇل Wi-Fi بەيجىڭ قالاسىنداعى 9000 نان استام قوعامدىق كولىككە ورناتىلىپ بولعان. جىل سوڭىنا دەيىن قوعامدىق كولىكتەرگە ورناتىلاتىن قۇرىلعىنىڭ سانىن 12000 عا جەتكىزۋ جوسپارلانىپ وتىر ەكەن. سونىمەن بىرگە، بەيجىڭ قالاسىنىڭ شەت اۋداندارىنا قاتىنايتىن قالاارالىق اۆتوبۋستار دا وسى قىزمەتتەن يگىلىكتەنە الادى ەكەن.
دايىنداعان: سۇڭقار اقبوز
massaget.kz
