مويىندالعان حالىق قاھارماندارى

استانا. قازاقپارات  - قازاقستان رەسپۋبليكاسىنىڭ «حالىق قاھارمانى» -  وتانىنا ەرەكشە مارتەبە كورسەتىپ، ەل الدىنا يگىلىكتى ءىس تىندىرىپ كوزگە تۇسكەن، حالقىنا اسا كورنەكتى قىزمەتى مەن تاۋەلسىزدىك جولىندا جاۋىنگەرلىك ەرلىك كورسەتكەن ادامدارعا بەرىلەتىن اتاق.

«حالىق قاھارمانى» اتاعى قازاقستان رەسپۋبليكاسىنىڭ جوعارى دارەجەلى «التىن قىران» وردەنىمەن جانە «قازاقستاننىڭ ەڭبەك ەرى» التىن جۇلدىزدى ماراپاتىمەن دەڭگەيلەس كەلەدى. وسى اتاق بارىسىندا «التىن جۇلدىز» جانە «وتان» وردەندەرى قوسا تاپسىرىلادى. «حالىق قاھارمانى» اتاعى 1993 - جىلى رەسمي تۇردە بەكىتىلگەن.

 2009 - جىلدىڭ قورىتىندىسى بويىنشا ەلىمىزدە 32 ازامات «حالىق قاھارمانى» اتانعان. ولاردىڭ قاتارىندا:

ساعادات نۇرماعامبەتوۆ - ارميا گەنەرالى، قازاقستان رەسپۋبليكاسىنىڭ تۇڭعىش قورعانىس ءمينيسترى، 1994 - جىلى 23- مامىر؛

قايرات رىسقۇلبەكوۆ - 1966-1988 ج ج. 1986 - جىلعى جەلتوقسان كوتەرىلىسىنىڭ قاھارمانى، 1996 - جىلى 9- جەلتوقسان؛

قاسىم قايسەنوۆ - جازۋشى، 1941-1945 ج ج. ۇلى وتان سوعىسىنىڭ ارداگەرى، 1995 - جىلى 24- ءساۋىر؛

روزا باعلانوۆا - ك س ر و حالىق ءارتىسى، ءانشى، 1996 - جىلى 9- جەلتوقسان؛

توقتار اۋباكىروۆ - قازاقستاننىڭ 1- عارىشكەر-ۇشقىشى، گەنەرال-مايور، 1995 -جىلى 12 قاڭتار؛

تالعات مۇسابايەۆ - قازاقستاننىڭ 2- عارىشكەر- ۇشقىشى، گەنەرال- مايور، 1995 - جىلى 12- قاڭتار؛

مۇحتار التىنبايەۆ - قازاقستاننىڭ شتاب باستىقتارى كوميتەتىنىڭ ءتوراعاسى، 2006 - جىلى 6- مامىر:

نۇرعيسا تىلەنديەۆ - 1925-1998 ج ج. قازاقتىڭ ايگىلى كۇيشى كومپوزيتورى، ديريجەر، داۋلەسكەر دومبىراشى، 1998 - جىلى 24- تامىز؛

مۇحتار اليەۆ - اكادەميك، عىلىمي-زەرتتەۋ ينستيتۋتىنىڭ ديرەكتورى، 1995 - جىلى 29- جەلتوقسان؛

راقىمجان قوشقاربايەۆ - ۇلى وتان سوعىس ارداگەرى، لەيتەنانت، بەرلين شابۋىلشى باتىرى، 1999 - جىلى 7- مامىر؛

ءازىربايجان مامبەتوۆ - تەاتر رەجيسسەرى، كسرو حالىق ءارتىسى، 1998 - جىلى 24- قازان؛

حيۋاز دوسپانوۆا - ۇلى وتان سوعىس ارداگەرى، 46- ايەلدەر گۆاردياسىنىڭ اۋە بويىنشا تۇندە بومبالاۋ پولكى، 2004 - جىلى 7- جەلتوقسان؛

ەلىمىزدىڭ كوك تۋىن كوككە كوتەرىپ، ەلىنە ابىروي الىپ بەرەتىن ازاماتتارىمىز از ەمەس. سول سەبەپتەن بۇل ءتىزىم جىلدان-جىلعا ۇزاراتىنىنا كامىل سەنەمىز. وعان مىسال رەتىندە 2011 - جىلى جاسالعان تەراكت كەزىندە عازيز بايتاسوۆتىڭ جاۋ بومباسىن ءوزىنىڭ ءتوس كەۋدەسىمەن توسقاندىعىن ايتساق ارتىق ەمەس. وسى سەكىلدى الداعى ۋاقىتتا ەلىنە تۇندە ۇيقى، كۇندىز كۇلكى سىيلايتىن «حالىق قاھارمانى» كوپ بولعاي.

دايىنداعان: نۇربول نۇرماحان ۇلى

massaget.kz