تۇلپار-تالگو پويىزدارىنىڭ جولاقى قۇنىنا جەڭىلدىكتەر ەنگىزىلۋدە
«جولاۋشىلار تاسىمالى» ا ق جولاۋشىلار تاسىمالىنا دەگەن سۇرانىستى قاناعاتتاندىرۋ جانە جۇردەك جولاۋشىلار پويىزدارى قىزمەتىنىڭ تۇرعىندارعا قولجەتىمدىلىگىن قامتاماسىز ەتۋ ماقساتىندا ءبىرقاتار شارالاردى قولعا الۋدا. اتاپ ايتقاندا، 2014 - جىلدىڭ 1- تامىزىنان باستاپ «تۇلپار-تالگو» ۆاگوندارىنان جاساقتالعان جۇردەك پويىزداردىڭ قۇنىندا تومەندەگىدەي جەڭىلدىكتەر قاراستىرىلماق:
№49/50 «الماتى- اقتوبە» پويىزىندا:
«گراند» (سۆ) ساناتتى ۆاگونداردا - %25؛
«بيزنەس» (كۋپە) ساناتتى ۆاگونداردا - %15.
19/20 «اتىراۋ- استانا»، №77/78 «الماتى- اتىراۋ» پويىزدارىندا:
«گراند» (سۆ) ساناتتى ۆاگونداردا -%10؛
سونىمەن قاتار №49/50 «الماتى- اقتوبە»، №19/20 «اتىراۋ- استانا» ، №87/88 «اقتوبە-استانا» جانە №77/78 «الماتى- اتىراۋ» جولاۋشىلار پويىزدارىنىڭ «گراند» جانە «بيزنەس» ساناتتى ۆاگوندارىنىڭ قۇنى دەمالىس كۇندەرى مەرەكە الدى جانە مەرەكەلىك كۇندەردەن بولەك، جۇمىس كۇندەرى تاريفىنە دەڭگەيلەستىرىلدى، دەلىنگەن باسپا ءسوز حابارلاماسىندا.
«جولاۋشىلار تاسىمالى» ا ق ءمالىم ەتۋىنشە، «تۇلپار-تالگو» ۆاگوندارىنىڭ «گراند» (س ۆ) ساناتىندا بەس ەكى ورىندىق كۋپە بار، ولار قوسىمشا سانيتارلىق جەلىمەن جانە جەكە دۋش كابيناسىمەن جابدىقتالعان. «بيزنەس» ساناتتى ۆاگونداردا (جەكە سانيتارلىق جەلىلەرى جوق ەكى ورىندىق) جانە «گراند» ۆاگوندارىندا جولاۋشىلاردىڭ ىڭعايلىلىعى ءۇشىن كرەسلو جاقتاۋلارىندا جىلجىمالى شاعىن ستولدار ورناتىلدى.
