وسى اپتاداعى اپاتتار جانە ءتورت ادام جول كولىك وقيعاسىنان مەرت بولدى
«وقيعا سەيسەنبى كۇنى كەشكە بولعان. « اتىراۋ - دوسسور» تاس جولىمەن ءجۇرىپ كەلە جاتقان « مەرسەدەس» شاعىن اۆتوبۋسىنىڭ جۇرگىزۋشىسى، 1981 - جىلى تۋعان قۇلسارى قالاسىنىڭ تۇرعىنى ءرولدى باسقارا الماي، كولىك اۋدارىلعان.
شاعىن اۆتوبۋستىڭ ىشىندە بولعان 3 جولاۋشى وقيعا ورنىندا اجال قۇشتى. جۇرگىزۋشى مەن تاعى ءۇش جولاۋشى دوسسور اۋرۋحاناسىنا جەتكىزىلدى. ولاردىڭ ءبىرى اۋىر جاراقات العاندىقتان سول جەردە كوز جۇمدى»، - دەپ حابارلادى ءوڭىردىڭ ءى ءى د باسپا ءسوز قىزمەتىنىڭ جەتەكشىسى گۇلنازيرا مۇحتاروۆا.
17 - شىلدە كۇنى الماتى وبلىسىندا 2 جەڭىل كولىكتىڭ سوقتىعىسۋىنان 4 ادام قازا تاۋىپ، 5 ادام جاراقاتتاندى.
21 - شىلدە كۇنى جامبىل وبلىسىندا جەڭىل كولىك جۇك ماشيناسىمەن بەتپە بەت سوعىلىپ، بەس ادامنىڭ ءومىرى قيىلدى. قايعىلى وقيعا تاراز-ءۇشارال تاس جولىندا بولعان.
22 - شىلدەدە شىمكەنت قالاسىنىڭ مارتوبە كەنتىندە جول اپاتى بولىپ، 4 ادام قازا تاپتى دەپ حابارلايدى
وتكەن 24 - شىلدە كۇنى تۇندە الماتى قالاسىندا ورىن العان ەكى ۇلكەن جول- كولىك اپاتى سالدارىنان ءتورت ادام مەرت بولدى.
auto.lafa.kz سايتىنىڭ حابارلاۋىنشا، ءبىرىنشى جول-كولىك اپاتى ءسۇيىنباي داڭعىلى مەن رىسقۇلوۆ داڭعىلدارىنىڭ قيىلىسىندا بولعان. موپەد جۇرگىزۋشىسى باسقارۋعا يە بولا الماي، باعاناعا سوعىلعان. سالدارىنان ەكى جاس جىگىت پەن ءبىر بويجەتكەن وقيعا ورنىندا ءجانتاسىلىم ەتتى.
كەيىن ءمالىم بولعانىنداي، ارتىنا ەكى جولاۋشى مىنگەستىرگەن موپەد جۇرگىزۋشىسى ءسۇيىنباي داڭعىلى بويىمەن وڭتۇستىككە قاراي ءجۇرىپ كەلە جاتىپ، رىسقۇلوۆ كوشەسىنە جەتە بەرگەندە رۋلگە يە بولا الماي قالعان. سودان قارسى باعىتقا شىعىپ كەتكەن ول، بار جىلدامدىعىمەن باعاناعا سوعىلعان.
وقيعا ورنىنا جەتكەن جەدەل جاردەم دارىگەرلەرى ولاردىڭ ولگەندەرىن تىركەۋمەن شەكتەلدى. قازىر پوليتسيا قىزمەتكەرلەرى وقيعانىڭ انىق-قانىعىن ناقتىلاۋ ۇستىندە.
شامامەن سول ۋاقىتتا رىسقۇلوۆ داڭعىلى بويىندا، كۋدەرين مەن نەميروۆيچ-دانچەنكو كوشەلەرىنىڭ ارالىعىندا تاعى ءبىر جول-كولىك اپاتى ورىن الدى. سونىڭ سالدارىنان تاعى ءبىر موپەد جۇرگىزۋشىسى مەرت بولدى.
Mercedes-Benz اۆتوكولىگىنە سوقتىعىسىپ وتە اۋىر جاراقات العان ازامات جەدەل جاردەم كەلگەنشە اجال قۇشتى.
