قىتاي عالىمدارى ادامنىڭ كەلبەتىن ءدال اجىراتاتىن جۇيە ويلاپ تاپتى

استانا. قازاقپارات - شياڭگاڭ ۋنيۆەرسيتەتىنىڭ عالىمدارى بەينەتۇسىرىلىمدەگى نە بولماسا فوتوداعى ادامنىڭ كەسكىن-كەلبەتىن ءدال اجىراتاتىن جۇيە جاساپ شىعاردى.

بۇل جۇيە انىقتاعان دەرەكتەردىڭ شىنايى سايكەستىگى 99,15 پايىزدى قۇرايدى.

جاڭا قۇرىلعى قوعامدىق ورىندارداعى قاۋىپسىزدىكتى قامتاماسىز ەتۋ تەحنولوگياسىنداعى وزىق ۇدەرىس دەپ تانىلدى.

وسى جۇيەمەن مىڭداعان سۋرەتتىڭ ىشىنەن ۇقساس ەكەۋىن تاڭداۋ بويىنشا تەكسەرىس جۇرگىزىلدى. بۇل جەردە بەينەنىڭ قاي بۇرىشتان جانە قانداي جارىق ارقىلى تۇسىرىلگەنى كەدەرگى جاساي الماعان.

باعدارلامانىڭ جوعارى ناتيجە كورسەتۋىنە بەتكە جاعىلعان ءارتۇرلى بوياۋلار دا بوگەت بولا المادى. جاڭا جۇيە پوليتسيا مەن كۇزەت اگەنتتىكتەرىنە قالىڭ توپتىڭ اراسىنان قىلمىس جاساعان كۇدىكتىلەردى ىزدەپ تابۋدا تاپتىرماس كومەكشى بولىپ وتىر.

24.kz