ب ۇ ۇ الەمدەگى ەڭ دامىعان ەلدى اتادى

استانا. قازاقپارات - ادام الەۋەتىنىڭ دامۋ يندەكسى بويىنشا 187 ەلدىڭ ىشىندە نورۆەگيا 1-ورىندا قالدى.

بۇل ەسەپتى بەيسەنبى كۇنى ب ۇ ۇ جاريالادى.

كيپر مەن ساۋد ارابياسىنىڭ اراسىنا جايعاسقان ەستونيا 33-ورىندا، فينليانديا - 24-ورىندا، ليتۆا - 35- شى، لاتۆيا - 48 - شى، رەسەي - 57-ورىندا.

باستاپقى 49 ورىندا دامۋ دەڭگەيى وتە جوعارى ەلدەر ورنىقتى، دەپ حابارلادى DELFI.

بۇۇ (UNDP) ادام الەۋەتىنىڭ دامۋ يندەكسى (HDI) باعدارلاماسى ىشكى جالپى ءونىمنىڭ ءبىر ادامعا شاققانداعى ۇلەسى، ءبىلىم الۋى مەن بولجانعان ءومىر ءسۇرۋ ۇزاقتىعىن ەسەپتەيدى. ەسەپكە سايكەس، الەمنىڭ بارلىق جەرىندە دامۋ باسەڭدەگەن جانە ول ءبىرقالىپتى دەڭگەيدە ەمەس.

ءتىزىمنىڭ باستاپقى ورىندارى وزگەرىسسىز قالدى. ۇزدىك بەستىككە نورۆەگيا، اۆستراليا، شۆەيتساريا، نيدەرلاندى جانە ا ق ش كىرەدى. سوڭعى بەستىكتە سەررا-لەونە، چاد، ورتالىق افريكا رەسپۋبليكاسى، كونگو دەموكراتيالىق رەسپۋبليكاسى مەن نيگەر بار.