قىتاي ۇڭگىرىندەگى مەكتەپ

استانا. قازاقپارات - ۇڭگىرلەردىڭ قاۋىپتىسى دە، ادامعا قورعان بولاتىندارى دا جەتەرلىك.

قىتاي ۇڭگىرىنىڭ باسقا ۇڭگىرلەردەن ەشقانداي ايىرماشىلىعى جوق.

سىرت كوزگە قاراپايىم جابايى تاۋ ەتەگىندەگى ۇڭگىرلەردەن ايىرماسىن تابا المايسىزدار.

تەك ءبىر عانا ايتا كەتەرلىك ەرەكشەلىگى بار. بۇل ۇڭگىرگە جەرگىلىكتى وقۋشىلار كۇن سايىن ءبىلىم الۋ ماقساتىندا كەلىپ كەتەدى.

گۋيجوۋ دەپ اتالاتىن قىتاي ەلدىمەكەنىنىڭ ماو دەگەن اۋىلىندا Dondjong (قىتاي تىلىنەن اۋدارعاندا «ۇڭگىر» دەگەن ماعىنانى بىلدىرەدى) دەيتىن ۇڭگىر بار. بۇل ۇڭگىردە 1984 - جىلى جەرگىلىكتى جاس بالالاردى وقىتۋى ماقساتىندا العاشقى مەكتەپ اشىلعان.

ءبىراق، ديزاينەرلىك ءبىلىمى بولماعاسىن العاشىندا ازداپ كىدىرگەنى بولماسا، ودان كەيىن ءوز ۇڭگىرلەرىن جابدىقتاۋعا بۇكىل اۋىل حالقى اتسالىسقان. سەبەبى، بۇل اۋىل قىتايداعى ەڭ كەدەي اۋىل سانالادى.

وقۋ باعدارلاماسى بىلاي تۇرسىن، بۇل اۋماق تۇرعىندارىندا قاراپايىم ءومىر تۇرمىسىنا قاجەتتى دۇنيەلەردىڭ ءوزى جەتكىلىكسىز. جەرگىلىكتى تۇرعىندار مەملەكەت باسىنداعىلارعا سان رەت ءوتىنىش بىلدىرگەن كورىنەدى.

تەك وتىنىشتەرى قارالماعان سوڭ، جاس بالالاردىڭ وقىتۋ ماسەلەسى بويىنشا وزدەرى اينالىسۋدى ءجون كورگەن. ەشقانداي قۇرىلىس ماتەريالدارى قولدانباي، نەندەي اقشا شىعىندالماي، مەكتەپ رەتىندە وسى ۇڭگىردى قاجەتىنە اسىرعان. بۇل عيماراتقا 200 وقۋشى سياتىنداي ۇلكەن ورىن بار.

سىرت كوزگە ناق ۇڭگىر بەينەسىنىڭ ادەمى كورىنىس تابۋى مۇمكىن دەيسىز. تابيعاتا قويناۋىنداعى سان مىڭ ۇڭگىر اتاۋلىلارىنىڭ ءبىرى دەپ كەرەمەت اتاۋ بەرۋگە دە بارمىز.

دەگەنمەن، مەكتەپ ىشىندەگى جاعداي تىم قاراپايىم. تەك قاجەتتى دەگەن جابدىقتار ساتىپ الىنعان. ماسەلەن، تاقتا، اعاش پارتا، وقۋلىق دەگەن سەكىلدى. وندا ءتىپتى، جاس ۇرپاقتىڭ سپورت سالاسىندا دا قولى قىسقارماسىن دەگەن ماقساتپەن باسكەتبول وينايتىن ارنايى الاڭشا جاساعان. ونىمەن قوسا بۇل مەكتەپتىڭ وزىندىك ەرەكشەلىكتەرى دە بار. كەز-كەلگەن شىعارىلعان دىبىستىڭ جاڭعىرىپ شىعۋىنا بايلانىستى عيمارات ىشىندەگى اكۋستيكا ماسەلەسى تولىقتاي ءان ساباعىنا وتە ءتيىمدى. ال بيولوگيا ءپانى بويىنشا پراكتيكالىق تۇرعىدا سول ۇڭگىردەگى كەسىرتكەلەر مەن جارقاناتتاردى پايدالانىپ كەتسە دە بولادى ەكەن.

ەشقانداي پايدا كورمەگەن قىتاي باسشىلىعى 2011 - جىلى بۇل مەكتەپتىڭ جابىلۋىن ءجون ساناپ، ءبىر اۋىزدان شەشىم قابىلدادى. بيلىكتە وتىرعاندار - «قىتايلىقتار -  ۇڭگىر ادامدارى ەمەس» دەپ قىسقا عانا قايىردى. ءدال سول جاعداي بويىنشا ماو اۋىلىنىڭ تۇرعىندارى بۇكىل الەم نازارىنا ەرەكشە ەرلىكتەرىمەن ۇسىنىلدى. ال ودان كەيىن بۇل اۋىل وقۋشىلارىنا قازىرگى جاڭا تەحنولوگيا جابدىقتارىمەن جابدىقتالعان مەكتەپ اشىپ بەردى.

el.kz