دۇنيە حالقىنىڭ ۇشتەن ءبىرى جوقشىلىق ازابىن تارتىپ وتىر - ب ۇ ۇ
بۇل تۋرالى بىرىككەن ۇلتتان ۇيىمى دامۋ باعدارلاماسىنىڭ بايانداماسىندا ايتىلادى.
ب ۇ ۇ دەرەگى بويىنشا الەمدە شامامەن 1,2 ميلليارد ادام كۇن سايىن 1,25 دوللارعا جەتپەيتىن قاراجاتقا كۇنىن كورىپ وتىر.
سونىمەن قاتار، الەمنىڭ 91 ەلىندەگى 1,5 ميلليارد ادام كەدەيلىكتىڭ ءتۇرلى سالدارىنان جاپا شەگەدى - ولار دەنساۋلىق ساقتاۋ، ءبىلىم بەرۋ، «ومىرلىك ستاندارتتار» سەكىلدى الەۋمەتتىك جەڭىلدىكتەرگە قولجەتىمدىلىك ءۇشىن كۇرەسۋدە.
«ال كەدەيلىكتەن جاپا شەگەتىندەردىڭ اراسىندا 842 ميلليون ادام تويىپ تاماق ىشە الماي، جۇيەلى تۇردە اشارشىلىققا ۇرىنىپ وتىر. بۇل الەم حالىقتارىنىڭ 12 پايىزىن قۇرايدى»، - دەلىنگەن بۇۇ بايانداماسىندا. بۇدان بولەك، الەم حالىقتارىنىڭ 80 پايىزى جۇمىسسىزدىعى ءۇشىن جانە زەينەتاقىمەن قامتاماسىز ەتىلمەسە، 800 ميلليون ادام «كەدەيلىك شەگىندە» تۇرعان كورىنەدى.
اۆتور: قانات مامەتقازى ۇلى
