بايان ەسەنتايەۆا جاڭا توپقا شاشى ۇزىن قىزداردى ىزدەيدى

استانا. قازاقپارات - پروديۋسەر بايان ەسەنتايەۆا ءوزىنىڭ ينستاگرام جەلىسىندەگى رەسمي پاراقشاسىندا «Shine production» كومپانياسى جاڭادان قۇرىلاتىن توپقا كاستينگ جاريالايتىنىن مالىمدەدى دەپ حابارلايدى massaget.kzءتىلشىسى.

جاڭا girls band قۇرامىندا ونەر كورسەتكىسى كەلەتىن تالاپكەردىڭ بويى 165-170 سانتيمەتر ارالىعىندا جانە شاشى ۇزىن بولۋى كەرەك ەكەن. بۇل تالاپتاردان بولەك، كاستينگكە قاتىسقىسى كەلەتىن قىزداردىڭ سالماعى 50 كەلىدەن اسپاۋى كەرەك، قازاق ءتىلىن مىندەتتى تۇردە ءبىلۋى كەرەك. كاستينگ 28- شىلدە جانە 1- تامىز ارالىعىندا ساعات كۇندىزگى 12:00 مەن 15:00 ارالىعىندا بولادى. قاتىسامىن دەۋشىلەر تومەندەگى سكرينشوتتاعى مەكەن-جايىنا بارۋى ءتيىس.

قىزداردان تۇراتىن جاڭا توپقا كامەلەتتىك جاسقا تولماعاندار الىنبايدى.

جاڭادان قۇرىلاتىن توپتىڭ اتى ازىرگە بەلگىسىز قالىپ وتىر. ەستەرىڭىزگە سالا كەتسەك، بايان ەسەنتايەۆا بۇعان دەيىن ءانشى ءمولدىر اۋەلبەكوۆانى «KeshYou» توبىنىڭ قۇرامىنا العان بولاتىن.

دايىنداعان: ارداق قۇلتاي