19:35, 25 - شىلدە 2014 | GMT +5
ەلباسى فرانسيا پرەزيدەنتىنە «الجير اۋە جولدارى» ۇشاعىنىڭ اپاتقا ۇشىراۋىنا بايلانىستى كوڭىل ايتتى
استانا. قازاقپارات - ەلباسى نۇرسۇلتان نازاربايەۆ فرانسۋز رەسپۋبليكاسىنىڭ پرەزيدەنتى فرانسۋا وللاندقا «الجير اۋە جولدارى» جولاۋشىلار ۇشاعىنىڭ اپاتقا ۇشىراۋىنا بايلانىستى كوڭىل ايتۋ جەدەلحاتىن جولدادى.
بۇل تۋرالى اقوردانىڭ باسپا ءسوز قىزمەتى حابارلادى.
جەدەلحاتتا «الجير اۋە جولدارى» كومپانياسى ۇشاعىنىڭ اپاتىنان كوپتەگەن فرانسۋز ازاماتتارىنىڭ قازا تاپقانى تۋرالى قايعىلى حاباردى قازاقستان پرەزيدەنتىنىڭ زور كۇيزەلىسپەن قابىلداعانى ايتىلعان.
«وسىنداي قايعىلى جاعدايدا قازاقستان حالقى جانە جەكە ءوز اتىمنان قازا تاپقانداردىڭ تۋعان-تۋىستارى مەن جاقىندارىنا، سونداي-اق بارشا فرانسيا حالقىنا شىن نيەتپەن كوڭىل ايتامىن»، - دەلىنگەن جەدەلحاتتا.
