دۇنيە ءجۇزى بويىنشا تۇڭعىش رەت سوقىرلار جازۋىنداعى تەلەفون جاسالدى
بۇل تەلەفوننىڭ الدىڭعى جانە ارتقى بەتتەرىندەگى بولشەكتەرىنىڭ ءبارى D3 باسىپ شىعارۋ اپپاراتى (D3- پرينتەر) ارقىلى جاسالعان. وسىدان بۇرىن دا سوقىرلار جازۋىنداعى تەلەفوندى جاساۋعا قۇلشىنعان مەكەمەلەر بولسا دا، OwnFone كومپانياسىنداعىلاردىڭ ايتۋىنشا، بۇل تەلەفون الەم بويىنشا تۇڭعىش رەت رەسمي قولدانىسقا بەرىلگەن سوقىرلار جازۋى تەلەفونى بولىپ ەسەپتەلەدى ەكەن. سوقىرلار جازۋىن قولدانۋدى بىلمەيتىن تەلەفون قولدانۋشىلارىنا قاراتا كومپانيا باتىرمالى قالتافوندى دا جاساپ شىققان. بۇل تەلەفون قازىر انگليادا ساتىلىمدا بار.
تەلەفوننىڭ نارىقتاعى قۇنى 60 فۋنت ستەرلينگ (19,000 تەڭگە كولەمىندە) بولىپ بەكىتىلگەن. تەلەفوندى ويلاپ تابۋشى توم ساندەرلاندتىڭ ايتۋىنشا، اتالعان تەلەفوننىڭ ارتقى جانە الدىڭعى ەكران بولىكتەرى D3 باسۋ اپپاراتتارىمەن جاسالعاندىقتان، شىعىندى ازايتقان. «تەلەفوندى جاساۋداعى باستى ماقساتىمىز - سوقىر ادامداردىڭ دا وتباسى جانە دوس- جاراندارىمەن كەدەرگىسىز حابارلاسۋىنا مۇمكىندىك بەرۋ جانە بۇل قيىنشىلىقتى مۇلدە جەڭۋ»، - دەيدى توم ساندەرلاند.
دايىنداعان: مەيىرجان اۋەلحان ۇلى
zMassaget.k
