الماتى اكىمى ءبىرقاتار ءبىلىم بەرۋ نىساندارىنىڭ قۇرىلىسىن تەزدەتۋدى تاپسىردى

الماتى. قازاقپارات - الماتى اكىمدىگىندە وتكەن جيىندا قالا باسشىسى احمەتجان ەسىموۆ ءبىرقاتار ءبىلىم بەرۋ نىساندارىنىڭ قۇرىلىسىن تەزدەتۋدى تاپسىردى. بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.

«ىلكى جوبا اياسىندا جىلدىڭ سوڭىنا دەيىن ءاربىر اۋداندا ءبىر-ءبىر بالا باقشادان مەملەكەتتىك - جەكە سەرىكتەستىك قاعيداسى نەگىزىندە كونسەسسياعا نەمەسە سەنىمگەرلىك باسقارۋعا بەرۋ قاجەت. «باقاي» ىقشام اۋدانىنداعى مەكتەپتىڭ، جەتى جاناما قۇرىلىس نىسانىنىڭ سالىنىپ ءبىتۋىن، 19 ءبىلىم بەرۋ نىساندارىنىڭ سەيسميكالىق كۇشەيتىلۋى مەن كۇردەلى جوندەۋدەن ءوتۋىن قاداعالاۋدى كۇشەيتۋ كەرەك. 18 بالاباقشانىڭ سالىنۋىن، ونىڭ ىشىندە 16 سىنىڭ 2014 - جىلى ىسكە قوسىلۋىن - ەرەكشە باقىلاۋعا الۋ قاجەت»، - دەدى احمەتجان ەسىموۆ.

اكىم بيىل جاريالانعان ءبىلىم جىلى اياسىندا الماتىدا وسى سالانى قارجىلاندىرۋعا 2014 - جىلى بيۋجەتتەن 71,4 ميلليارد تەڭگە قاراستىرىلعانىن اتاپ ءوتتى. بۇل 2013 - جىلمەن سالىستىرعاندا %22 عا جوعارى.

قالا باسشىسىنىڭ ايتۋىنشا، دەنساۋلىق ساقتاۋ سالاسىندا دا كوپتەگەن ماسەلەلەردىڭ شەشىمى كەزەك كۇتتىرمەيدى.

احمەتجان ەسىموۆ ەكى دەنساۋلىق ساقتاۋ ۇيىمىن سەنىمگەرلىك باسقارۋعا كوشىرۋدى، ەمحاناعا اينالدىرۋعا بولاتىن عيماراتتاردى ساتىپ الۋدى جانە دە دەنساۋلىق ساقتاۋ قىزمەتكەرلەرى ءۇشىن جاتاقحانا سالۋدى تەزدەتۋدى تاپسىردى.