19:29, 25 - شىلدە 2014 | GMT +5
ن. نازاربايەۆ الجير پرەزيدەنتىنە «الجير اۋە جولدارى» ۇشاعىنىڭ اپاتىنا بايلانىستى كوڭىل ايتتى
استانا. قازاقپارات - قازاقستان پرەزيدەنتى نۇرسۇلتان نازاربايەۆ الجير حالىق دەموكراتيالىق رەسپۋبليكاسىنىڭ پرەزيدەنتى ابدەل ءازيز بۋتەفليكاعا «الجير اۋە جولدارى» ۇشاعىنىڭ اپاتقا ۇشىراۋىنا بايلانىستى كوڭىل ايتۋ جەدەلحاتىن جولدادى، دەپ حابارلادى اقوردانىڭ باسپا ءسوز قىزمەتى.
جەدەلحاتتا «الجير اۋە جولدارى» كومپانياسى ۇشاعىنىڭ اپاتىنان كوپ ادامنىڭ قازا بولعانى تۋرالى قايعىلى حاباردى مەملەكەت باسشىسىنىڭ زور كۇيزەلىسپەن قابىلداعانى ايتىلعان.
«قازاقستان حالقى جانە جەكە ءوز اتىمنان قازا تاپقانداردىڭ تۋعان-تۋىستارى مەن جاقىندارىنا، سونداي- اق بارشا الجير حالقىنا شىن نيەتپەن كوڭىل ايتامىن»، - دەلىنگەن جەدەلحاتتا.
