ۇلى بريتانيا حانشايىمىنا ايىپپۇل سالىنۋى مۇمكىن
ويتكەنى، ونىڭ باپتاپ وسىرگەن ارعىماعىنىڭ اعزاسىنان ماماندار تىيىم سالىنعان مورفي ەسىرتكىسىنىڭ بارىن انىقتادى.
4 جاسار ەستيمەيت كورولدىڭ اتقوراسىنداعى ەڭ قىمبات ءارى تابىستى جىلقىلاردىڭ ءبىرى.
2013 - جىلى ول ەليزاۆەتا حانشايىمعا اسكوت كورولدىك بايگەسىنىڭ باس جۇلدەسىن الىپ بەرگەن بولاتىن. ال، بيىل ءدال سول جارىستا ەستيمەيت مارەگە ەكىنشى بولىپ كەلدى.
جارىستان كەيىن ارعىماقتاردى دوپينگكە تەكسەرگەن ماماندار حانشايىمنىڭ جىلقىسىنان تىيىم سالىنعان ەسىرتكى زاتىن انىقتادى.
"ەليزاۆەتا حانشايىمعا جىلقىنىڭ يەسى رەتىندە ايىپپۇل سالۋى ابدەن ىقتيمال. ءبىراق، ەستيمەيت جارىستان شەتتەتىلمەيدى، ياعني العان جۇلدەسىن كەرى قايتارىپ المايمىز" دەدى بريتانياداعى بايگە باسقارماسىنىڭ مامانى دجوناتان ساممەرس.
باسقارما تاراپىنان قولدانىلاتىن جازانىڭ جەڭىل بولۋى - ارعىماق اعزاسىنا مورفيدىڭ كەزدەيسوق تۇسكەندىگىنەن دەيدى مامان. الايدا، بۇل جايت تولىق تەكسەرىلەتىن بولادى.
"مورفي جىلقىنىڭ اعزاسىنا جەممەن بىرگە ءتۇسۋى مۇمكىن. قازىر ءبىز حانشايىم جىلقىلارىن جەممەن قامتاماسىز ەتەتىن جەتكىزۋشىلەردى تەكسەرەمىز، ءمان-جايى سول كەزدە بەلگىلى بولادى" دەدى ساممەرس.
Baq.kz
