امەريكا بارلاۋشىلارى ۋكراينادا اتىپ تۇسىرىلگەن ۇشاققا قاتىستى تاعى ءبىر ىلىك تاپتى
«ءبىزدىڭ قىزمەتكەرلەرىمىز ازىرگە زىمىراندى ناقتى كىم جىبەرگەنىن، قاي ۇلتتىڭ وكىلدەرى ەكەنىن انىقتاي العان جوق. امەريكالىق رەسمي تۇلعالاردىڭ ايتۋىنشا 11-SA («بۋك» ز ز ك باتىستىق اتاۋى) زىمىرانان ءدال وسىنداي زىمىراندى جۇيەنى مەڭگەرگەن ۋكراينا اسكەرىنىڭ دەزەرتيرلەرى ىسكە قوسقان»، دەيدى بارلاۋ قىزمەتىنىڭ وكىلى.
تاياۋدا ا ق ش بارلاۋ قىزمەتى ارنايى بريفينگ كەزىندە ۋكراينانىڭ وڭتۇستىك-شىعىسىندا اپاتقا ۇشىراعان مالايزيالىق Boeing-777 ۇشاعىن كىم اتىپ تۇسىرگەنىن ناقتى بىلمەيتىنىن، الايدا جاساقشىلاردىڭ قاتەلەسىپ اتىپ الۋى مۇمكىن ەكەنىن ايتقان بولاتىن. بارلاۋشىلاردىڭ ايتۋىنشا، رەسەي جاساقشىلاردى قارۋلاندىرادى، ءبىراق ۆاشينگتون رەسەي بيلىگىنىڭ وسى وقيعاعا قاتىسى بارلىعىنا، «بۋك» زەنيتتى-زىمىراندى كەشىنىنىڭ رەسەيدىكى ەكەنىنە ەشقانداي دالەل كەلتىرە الماي وتىر.
دونەتسك حالىق رەسپۋبليكاسىنىڭ جاساقشىلارى جولاۋشىلار ۇشاعىن قاتەلەسىپ اتىپ الۋى مۇمكىن دەگەن بولجامدى ب ۇ ۇ-داعى رەسەي ەلشىسى ۆيتالي چۋركين دە ايتقان ەدى. ونىڭ ايتۋىنشا، ەگەر بۇل جاساقشىلاردىڭ ءىسى بولسا، وندا ول وقىس جاعداي. «جازبالارعا سايكەس ۋكراينانىڭ شىعىسىنداعىلار اسكەري ۇشاقتى اتتىق دەيدى، ەگەر ولار اسكەري ۇشاقتى اتتىق دەپ ساناسا، ول كونفۋز. ەگەر بۇل كونفۋز بولسا، تەرراريستىك اكت بولىپ سانالمايدى» دەيدى «CNN» ديپلوماتى.
«ر ي ا ءنوۆوستيدىڭ» حابارلاۋىنشا، امەريكالىق پۋبليتسيست، ساراپشى روبەرت پەرري "Los Angeles Times" گازەتىندەگى ماقالاعا ءوز پىكىرىن بىلدىرگەن. ونىڭ ايتۋىنشا، ۋكراينادا اپاتقا ۇشىراعان جولاۋشىلار لاينەرىنىڭ اينالاسىندا اقپاراتتىق سوعىس تۋعىزعان ا ق ش بارلاۋ قىزمەتىنىڭ دەرەكتەرىن ءتيىستى ساياساتكەرلەرگە بەرىپ وتىر. يراكتاعى سوعىستىڭ الدىندا دا ءدال وسىلاي بولعان.
بۇعان دەيىن پەرري ءانونيمدى دەرەك كوزدەرىنە سۇيەنە وتىرىپ، امەريكا بارلۋشىلارىندا زىمىراندى جىبەرگەن ۋكراينا اۋە كۇشتەرى باتارەياسىنىڭ فوتو سۋرەتتەرى بار ەكەنىن ايتقان بولاتىن. سونداي-اق ۋكراينالىق اسكەريلەردىڭ كيىمىندەگى بەلگى دە سۋرەتتە كورسەتىلگەن.
پەرريدىڭ پىكىرىنشە ۇشاق اپاتىنا قاتىستى بارلىق نۇسقالار ءجىتى تەكسەرىلۋى ءتيىس، رەسەي بيلىگى مەن جاساقشىلار شىندىقتى ايتتى ما، وسىعان كوز جەتكىزۋ كەرەك.
«بۇل وتە سالماقتى، تەرەڭ تەكسەرىستى قاجەت ەتەدى. وبامانىڭ اكىمشىلىگى مەن باسقا دا الدىڭعى قاتارلى ب ا ق وسى وقيعانىڭ كەزەكتى اقپاراتتىق سوعىس ەكەنىن كورسەتتى. اقپاراتتىق سوعىستاعى ماقسات - قارسىلاسىن الەمگە جامان ەتىپ كورسەتۋ. ءدال وسىلاي ا ق ش توپتىق ويلاۋ ناتيجەسىنەن كەيىن يراكقا باسىپ كىرگەن بولاتىن»، دەيدى جۋرناليست.
«Malaysia Airlines» كومپانياسىنىڭ Boeing-777 اۋە لاينەرى 17- شىلدەدە استانا ۋاقىتى بويىنشا 21:00 دە امستەردامنان كۋالا-لۋمپۋرعا باعىتتالعان جولدا ۋكراينا تەرريتورياسىندا اپاتقا ۇشىرادى. ۇشاق بورتىندا 298 جولاۋشى بولعان. ولاردىڭ 154 ءى نيدەرلاندىلىقتار، 27 ى اۆستراليالىقتار، 45 ءى مالايزيالىقتار (ەكيپاج مۇشەلەرىن قوسقاندا) 12 ءى يندونەزيالىقتار، 9 ى بريتاندىقتار، تورتەۋى گەرمانيالىقتار، تورتەۋى بەلگيالىقتار، ۇشەۋى فيلليپيندىك، بىرەۋى كانادالىق.
كيەۆ جانە باتىس ەلدەرى ۇشاق اپاتىنا دونەتسك حالىق رەسپۋبليكاسىن، جانە رەسەيدى كىنالاپ وتىر. د ح ر وزدەرىندە 10 مىڭ مەتر بيىكتەگى لاينەردى اتىپ تۇسىرەتىن قارۋلارى جوق ەكەنىن العا تارتتى. رەسەي قورعانىس مينيسترلىگىندەگىلەر gBoein-777 اتىپ تۇسىرلىگەن ساتتە سول ماڭدا ۋكراينانىڭ سۋ-25 اسكەري ۇشاعىنىڭ بولعانىن ايتادى. سونداي-اق اپات ورنىندا ۋكراينا اسكەرىنە تيەسىلى «بۋك» زەنيتتى-زىمىراندى كەشەنىنىڭ بولشەكتەرى تابىلعان.
Angeles Times
