بريتانيالىق مۇراجاي قىزمەتكەرلەرى مۋميالاردىڭ قۇپياسىن اشتى
عالىمداردىڭ ايتۋىنشا، ولار بۇل ادامداردىڭ نەشە جاستا جانە نە نارسەدەن قايتىس بولعانىن انىقتاي العان. عالىمدار بۇل جەتىستىگىن «ولگەندى قايتا تىرىلتتىك» دەپ باعالاۋدا.
ولار قازىرگى زامانعى مەديتسينالىق سكانەردىڭ كومەگىمەن ەجەلگى ادام قاڭقالارىنىڭ قۇرىلىسىن ەگجەي-تەگجەيلى زەرتتەپ قانا قويماي، سونداي-اق باعزى زامانداعى ادامداردىڭ سىرتقى كەيپى مەن قايتىس بولۋ قۇپياسىن اشا بىلگەن.
دەنيەل ەنتوني، انتروپولوگ:
- كومپيۋتەرلىك توموگرافيا ارقىلى ءبىز قاباتتاردى ۆيرتۋالدى تۇردە سىلىپ، مۋميالار تۋرالى كوبىرەك ماعلۇمات الدىق. ءبىز ءتىپتى تەرىنىڭ استىنا دەيىن ءۇڭىلىپ، قاڭقانىڭ ءىشىن زەرتتەدىك. بۇل ولاردىڭ نەشە جاستا جانە نەدەن كوز جۇمعانىن انىقتاۋعا كومەكتەستى.
اتاپ ايتقاندا، عالىمدار مۋميالاردىڭ ءبىرى ايەل ادام ەكەنىن جانە ونىڭ قان تامىرىندا حولەستەريننىڭ جينالىپ قالعانىن انىقتادى. ناقتى وسى جاعداي ونىڭ اجالىنا سەبەپ بولعان. بۇدان باسقا زەرتتەۋشىلەر ەجەلگى ادامداردىڭ سىرتقى ءتۇرىن دە جاساپ شىعاردى. ولار 3D پرينتەرىمەن جەكەلەگەن سۇيەكتەردىڭ بەينەلەرىن جاساپ شىعاردى. سونداي-اق قاڭقانى تاس تابىتتا عاسىرلار بويى بۇزباي ساقتاۋعا سەپ بولعان بويتۇمارلاردىڭ قۇپياسىن اشا ءبىلدى.
دەنيەل ەنتوني، انتروپولوگ:
- ءبىز مۋميانىڭ قالاي اتالاتىنىن بىلمەيمىز. سىرتتاي قاراعاندا تابىت ايەل ادامعا تيەسىلى. ءبىراق رەنتگەن ىشتە ەر ادامنىڭ جاتقانىن انىقتادى.
سەگىز مۋميا بريتانيا مۋزەيىنە سۋدان مەن مىسىردان اكەلىنگەن. ولار ءارتۇرلى كەزەڭدەردە جەرلەنگەن. بۇل كەزەڭ ءبىزدىڭ زامانىمىزعا دەيىنگى 3 جارىم مىڭ جىلدان 700 جىلعا دەيىنگى ءداۋىردى قامتيدى.
اۆتورلارى: ەرنات قاشقىنوۆ، نۇرجان ىقىلاسوۆ
24.kz
