الماتى وبلىسىندا مىڭداعان قاسقىر مەن شيەبورىنىڭ كوزىن جويۋ جوسپارلانىپ وتىر

تالدىقورعان. قازاقپارات - الماتى وبلىسىندا قاسقىر مەن شيەبورىلەردى جويۋ ءۇشىن وبلىستىق بيۋجەتتەن 10,7 ميلليون تەڭگە ءبولىندى.

بۇل سوماعا ءبىر مىڭعا جۋىق جىرتقىشتى جويۋ كوزدەلگەن. ءبىر ەرەسەك قاسقىردى ولتىرگەن اڭشىعا 12 مىڭ تەڭگە، 1 بولتىرىكتىڭ كوزىن قۇرتقانعا - 6 مىڭ، شيەبورىنى ولتىرگەنگە 5 مىڭ تەڭگە كولەمىندە سىياقى بەرىلەتىن بولادى.

الماتى وبلىسى بويىنشا تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ دەرەكتەرىنشە، 2014 - جىلدىڭ 6- ايىندا اڭشىلار 442 قاسقىردى، التى بولتىرىك پەن 172 شيەبورىنى اتقان.

وبلىستىق اكىمدىكتىڭ جۇيەلى تۇردە قارجىلاندىرۋى ارقاسىندا بۇرىنعى جىلدارى وڭىردەگى مال شارۋاشىلىقتارىنا مازا بەرمەگەن ءتۇز تاعىلارى ءبىرشاما ازايدى.