ەلباسى گەننادي گولوۆكينگە جەڭىس تىلەدى
بۇل تۋرالى قازاقپاراتقا نيۋ- يوركتەگى ق ر باس كونسۋلدىعى حابارلادى.
«شاقىرتۋ ءۇشىن العىس بىلدىرەمىن. قازاقستاندىقتار سەنىمەن بىرگە»، - دەلىنگەن ق ر پرەزيدەنتىنىڭ جەدەلحاتىندا. ونى نيۋ- يوركتەگى باس كونسۋلدىق گەننادي گولوۆكينگە رەسمي تاپسىردى.
«پرەزيدەنتىمىز نۇرسۇلتان ءابىش ۇلى نازاربايەۆقا قولداۋى مەن تىلەگى ءۇشىن ريزامىن، - دەپ اتاپ ءوتتى گەننادي. - ءوز تاراپىمنان ماعان كورسەتىلگەن سەنىمدى اقتاۋعا تىرىسامىن» .
22 - شىلدەدە اتاقتى برايتوندا بولعان ورىس ءتىلدى جانكۇيەرلەرىمەن كەزدەسۋدە گەناديي ءوزىنىڭ جەكپە جەككە دايىن جانە جەڭىسكە دەگەن سەنىمى مول ەكەندىگىن جەتكىزدى. سونىمەن قاتار، ول قارسىلاسىنىڭ وسال ەمەستىگىن دە ايتا كەتتى.
ال ونىڭ تىلەكشىلەرى سايىس الدىنداعى قاربالاسقا قاراماي وسىنداي كەزدەسۋگە ۋاقىت تاۋىپ كەلگەنىنە ءدان ريزاشىلىق ءبىلدىرىپ، چەمپيونعا جەڭىسكە جەتە بەرۋدى تىلەدى.
ايتا كەتۋ كەرەك، جەڭىمپاز گەنناديدىڭ تاجىريبەسىنە باس يگەندىكتەن عانا ەمەس، ونىڭ اقجارقىن مىنەزى مەن قاراپايىمدىلىعى ءۇشىن دە ا ق ش- تا ونى قولداۋشىلاردىڭ سانى كوبەيىپ كەلەدى.
كەزدەسۋ ادەتتەگىدەي جانكۇيەرلەرمەن بىرگە سۋرەتكە ءتۇسىپ، قولتاڭبا بەرۋمەن اياقتالدى.
