09:54, 23 - شىلدە 2014 | GMT +5
اقتوعايدا «قوش كەلدىڭ، رامازان!» اتتى الامان ايتىس ءوتتى
استانا. قازاقپارات - اقتوعايدا ورازا مەيرامى قارساڭىندا اقىندار ايتىسى وتكىزىلىپ، يسلام جۇرتىنىڭ ۇلىق مەرەكەسىن اسقاقتاتتى. ورازا مەيرامى قارساڭىندا ءار ءتۇرلى يگىلىكتى شارالاردى وتكىزىپ، پايعامبار ۇمبەتتەرىنىڭ دىنگە دەگەن ادالدىق، تازالىق رۋحىن جەتىلدىرۋ ۋاقىت تالابى بولىپ وتىر.
«قوش كەلدىڭ، رامازان!» اتتى ايتىس ءدىن تاقىرىبىن قوزعادى، اللاھ پەن پايعامبارىمىز س. ع. س. اتىنا ماداق ايتىلدى.
ەلىمىزگە تانىمال ايتىس اقىندارى تىلەگەن ءادىلوۆ، ايتباي جۇماعۇلوۆ، ديدار قاميەۆ، بوتاكوز مۇحيددەن، ەركەبۇلان مۇباراك، قايرات يمانبەكوۆ ايتىس بارىسىندا رامازان ايىن ۇلىقتاپ، جىردان شاشۋ شاشتى. بۇل ءبىر مۇسىلمان جاماعاتىنا ۇلگى بولارلىق شارۋا بولدى.
اقتوعاي اۋداندىق مەشىتىنىڭ باس يمامى عالىم جاكەش ءوز تاراپىنان بارلىق اقىندارعا العىس حات ۇسىندى.
جاننات نۇرتىلەۋ ۇلى
اقتوعاي اۋدانى
Kazaitys.kz
