بىرىككەن ۇلتتار ۇيىمى قىزىلوردانى دامىتپاق
- دەپ حابارلادى وبلىستىق اكىمدىكتىڭ باسپا ءسوز قىزمەتىنەن.
«ايماققا تارتىلىپ جاتقان ينۆەستيتسيا كولەمى جىل وتكەن سايىن ارتۋدا. حالىقارالىق ۇيىمدارمەن بايلانىس كۇشەيدى. كەلىسسوزدەر ناتيجەسىندە ءىرى جوبالار جۇزەگە اسىرىلۋدا. بۇل جۇمىستار الداعى ۋاقىتتا جالعاسىن تابادى. الەۋمەتتىك جوبالاردىڭ ماڭىزى جوعارى. ب ۇ ۇ ءۇش جىلدا وڭىرگە سالاتىن قارجىسى اۋىلداردىڭ تۇرمىسىن تۇزەۋگە جۇمسالادى. بۇل جۇمىستاردى بىرلەسە جۇزەگە اسىراتىن بولامىز» ، - دەدى ايماق باسشىسى ق. كوشەربايەۆ.
وبلىس اكىمدىگىمەن بىرلەسكەن باعدارلامانى ب ۇ ۇ- نىڭ التى اگەنتتىكتەرىنىڭ بىلىكتى ماماندارى كومەگىمەن جۇزەگە اسىراتىن بولادى. ول اگەنتتىكتەردىڭ قاتارىندا UNDP - بىرىككەن ۇلتتار ۇيىمىنىڭ دامۋ باعدارلاماسى، UNESCO - ءبىلىم، عىلىم جانە مادەنيەت ماسەلەلەرى جونىندەگى بىرىككەن ۇلتتار ۇيىمى، UNFPA - ب ۇ ۇ حالىق سالاسىنداعى قورى، UNICEF - بىرىككەن ۇلتتار ۇيىمىنىڭ بالالار قورى، UN Women - ب ۇ ۇ گەندەرلىك تەڭدىك جانە ايەلدەردىڭ قۇقىعى مەن مۇمكىندىكتەرىن كەڭەيتۋ ماسەلەلەرى جونىندەگى قۇرىلىمى جانە WHO - بۇكىل دۇنيەجۇزىلىك دەنساۋلىق ساقتاۋ ۇيىمى كىرەدى.
«باعدارلاما ارقاسىندا جاسىل ەكونوميكانى دامىتۋ، حالىقتىڭ دەنساۋلىعىن جاقسارتۋ، بيزنەستى وركەندەتۋ جانە بارلىق تۇرعىندارعا تەڭ قۇقىقتى الىپ بەرۋ كوزدەلگەن. قىزىلوردانىڭ قاي سالادا بولماسىن دامۋ كورسەتكىشى قۋانتادى. دەگەنمەن، ءالى دە حالىقتىڭ جاعدايىن جاقسارتۋ ءۇشىن جۇمىس جاساۋ كەرەك. ءبىز قولدان كەلگەن كومەكتى جاساۋعا ءازىرمىز» ، - دەدى ب ۇ ۇ تۇراقتى ۇيلەستىرۋشىسى ستيۆەن تۋلل.
بۇل باعدارلاما قىزىلوردامەن قاتار ماڭعىستاۋ جانە شىعىس قازاقستان وبلىستارىندا جۇزەگە اسىرىلۋدا. ب ۇ ۇ وكىلدەرىنىڭ مالىمدەۋىنشە، باعدارلامانىڭ ناتيجەسى ءۇش جىلدان سوڭ كورىنەدى. ول ءۇشىن باعدارلامانىڭ جۇزەگە اسىرۋعا وتاندىق ساراپشىلارمەن بىرگە حالىقارالىق ماماندار تارتىلىپ، سەمينار، ترەنينگتەر ۇيىمداستىرىلادى.
قىزىلوردانىڭ ەكونوميكالىق، الەۋمەتتىك جانە ەكولوگيالىق سالاسىن دامىتۋدى ماقسات ەتكەن باعدارلامانى بىرلەسە جۇزەگە اسىرۋعا بايلانىستى ەكى تاراپ مەموراندۋمعا قول قويدى.
اۆتور: ەلۋباي اۋەزوۆ
