قىتايدا وتكەن جارىستا قازاقستاندىق كوكپارشىلار باس جۇلدەنى جەڭىپ الدى - فوتو
ەستەرىڭىزگە سالا كەتەيىك، جارىس موڭعولكۇرە اۋدانىنىڭ قاراعانتى جايلاۋىندا وتكەن بولاتىن.
دوستىق كەزدەسۋگە قازاقستان، موڭعوليا، وزبەكستان جانە جەرگىلىكتى قازاقتاردىڭ كوكپار ويىنشىلارى قاتىستى. فينالدا ەلىمىزدەن شىققان قۇراما كوماندا ق ح ر كومانداسىمەن سايىسىپ، جەڭىس تۇعىرىنان كورىندى. باس جۇلدەنى جەڭىپ العان كومانداعا اقشالاي 50 مىڭ يۋان تابىستالدى، دەپ حابارلايدى ق ر ۇلتتىق سپور تۇرلەرى قاۋىمداستىعى.
«ءۇش كۇنگە جالعاسقان كوكپاردى تاماشالاۋعا 10 مىڭنان استام كورەرمەن جينالىپ، ىستىق ىقىلاس تانىتتى. حالىقتىڭ مۇنداي قىزىعۋشىلىعى، ءبىزدى ءسوزسىز قۋانتتى» ، - دەپ ءوز اسەرلەرىمەن ءبولىستى ق ر سپورت جانە دەنە شىنىقتىرۋ ىستەرى اگەنتتىگىنىڭ ۇلتتىق سپورت تۇرلەرىنەن مەملەكەتتىك جاتتىقتىرۋشى رامازان ءساتتىباي.
سونىمەن بىرگە كوكپار قۇراما كومانداسىنىڭ جاتتىقتىرۋشىسى قۋانىشبەك قۇرامايەۆ جارىستىڭ قىتايلىق كوكپار ەرەجەسى بويىنشا وتكىزىلگەنىن، ياعني ءار كوماندا قۇرامى 7 ادامنان تۇرىپ، «قازاندىقتىڭ» ورنىنا سالىم سالاتىن «گوردا» - نىڭ بولعانى ەرەكشە بولدى دەپ اتاپ ءوتتى.
ءوز كەزەگىندە قىتايلىق ۇيىمداستىرۋشى تاراپ قازاقستان ەلىنىڭ كوكپار كومانداسى ءوز ونەرلەرىن ايگىلەپ، مەرەكەنىڭ سالتاناتىن اسىرعانىن جەتكىزگەن قۇتتىقتاۋ حات جولدادى. «تۇلپار» حالىقارالىق مەرەكەسىن ۇيىمداستىرۋ كوميتەتىنىڭ باسشىسى الماس بايداۋلەت ۇلى ءوز حاتىندا: «ق ر ۇلتتىق سپورت تۇرلەرى قاۋىمداستىعىنا قۇرمەتىمىزدى بىلدىرە وتىرىپ، الداعى ۋاقىتتاردا وتكىزىلەتىن ۇلتتىق سپورت شارالارىنا زور تابىس تىلەيمىز!» ، دەپ العىسىن ءبىلدىردى.
ulttyqsport.kz
