شىمكەنتتىكتەر تەگىن ينتەرنەتكە قول جەتكىزدى
بۇل ءۇشىن قالا بيۋدجەتىنەن 8 ميلليون تەڭگە قارالعان.
العاشقى كەزەڭ بويىنشا تەك التى جەرگە ورناتىلعانىمەن كەلەسى جىلى تاعى 10 نان استام نۇكتەدە تەگىن ينتەرنەت جەلىسىن تارتىلاتىن بولادى دەپ حابارلايدى شىمكەنت قالالىق اكىمدىگىنىڭ باسپا ءسوز قىزمەتى.
ەندى جەرگىلىكتى تۇرعىندار «اباي»، «ورتالىق»، «تاۋەلسىزدىك»، «جەڭىس» ساياباقتارى مەن «ءنۇرسات» جانە «جاستار اللەياسىندا» 8 مبيت/سەك جىلدامدىقتا جۇمىس ىستەيتىن سىمسىز جۇيەگە تەگىن قوسىلا الاتىن بولدى.
قولجەتىمدى ينتەرنەت جەلىسىن پايدالانۋ جونىندەگى يدەيانى بىلتىر جىل سوڭىندا قالا باسشىسى د. ساتىبالدى كوتەرىپ، بەلسەندى جاستارمەن كەزدەسۋىندە وسى جوبانىڭ 2014 - جىلى جۇزەگە اساتىنىن حابارلاعان بولاتىن.
ەندى، مىنە، ينتەرنەت جەلىسىن ساياباقتاردا ءبىر مەزەتتە 300-400 ادام ادام ەركىن قولدانا الادى. ال، «اباي» ساياباعىندا قولدانىس مۇمكىندىگى 1000 ادامعا دەيىن قامتىلادى.
ايتا كەتۋ كەرەك جاستاردىڭ تاربيەسىنە كەرى اسەر ەتەتىن سايتتارعا شەكتەۋ قويىلعان جانە اي سايىن تۇتىنۋشىلارعا مونيتورينگ جۇرگىزىلەدى.
Baq.kz
