قىتايدا حالىقتىڭ ۇيالى ينتەرنەتتى پايدالانۋشىلار سانى ەسەلەپ وسۋدە
وندا 2014 - جىلعى ماۋسىمدا قىتايلىق ينتەرنەت-پايدالانۋشىلار سانى 632 ميلليون ادامعا جەتكەنى كورسەتىلگەن.
بۇل 2013 - جىلعىدان 14,5 ميلليون كوپ. سونىڭ ىشىندە ۇيالى ينتەرنەتتى پايدالانۋشىلار سانى 527 ميلليون ادامعا جەتتى، بۇل بۇدان ءبىر جىل بۇرىنعىدان 26,99 ميلليون ادامعا كوپ.
ۇيالى ينتەرنەتتى پايدالانۋشىلار ۇلەسى پايدالانۋشىلاردىڭ جالپى سانىنىڭ 83,4 پايىزىنا جەتتى، ءسويتىپ العاشقى رەت ءداستۇرلى دەربەس كومپيۋتەر پايدالانۋشىلاردان (80,9 پايىز) اسىپ ءتۇستى.
جىلدىڭ العاشقى جارتىسىندا ۇيالى تولەمدەردىڭ ءوسىمى 63,4 پايىزعا جەتتى، دەپ حابارلادى «رىنمىن رىباۋ».
قىتايدا ۇيالى ينتەرنەتتىڭ بۇلايشا ءوسۋ تاسقىنى ەلدە ءتورتىنشى ۇرپاق جەلىلەرىن ورىستەتۋ تۋرالى شەشىم قابىلدانعاننان كەيىن مۇمكىن بولدى. 2014 - جىلدىڭ سوڭىندا قىتايدا 4G ستانسالاردىڭ سانى 2 ميلليوننان اسپاق.
