16:46, 22 - شىلدە 2014 | GMT +5
ق ر ۇلتتىق بانك ءتوراعاسى ق. كەلىمبەتوۆ استانادا باسپانا قۇنىنىڭ ارتۋىن بولجادى
استانا. قازاقپارات - بۇگىن ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق بانكىنىڭ ءتوراعاسى قايرات كەلىمبەتوۆ EXPO-2017 كورمەسىنە قاراي استانادا باسپانا قۇنىنىڭ ارتۋىن بولجايتىنىن جەتكىزدى.
«ارينە، باسپانا قۇنىندا ءوسىم بولادى. الايدا بۇل تۇرعىدا تۇرعىن ءۇيدىڭ ساناتى مەن ونىڭ ورنالاسۋى ورنى بولەك ماسەلە»، - دەدى ۇ ب باسشىسى.
ق. كەلىمبەتوۆ باسپانا قۇنى شامامەن قانداي دەڭگەيدە وسەتىنىن اتاپ وتپەدى. ونىڭ سوزىنە قاراعاندا، بۇل ماسەلەگە نارىقتىڭ قاعيدالارى ىقپال ەتەدى، ياعني بارلىعى سۇرانىس پەن ۇسىنىستىڭ اراقاتىناسىنا بايلانىستى بولادى.
«بىزگە بىرلەسە وتىرىپ، باعانىڭ قولدان وسۋىنە جول بەرمەس ءۇشىن ءتيىستى قاداعالاۋ جۇرگىزۋ كەرەك»، - دەدى ول.
اۆتور: رۋسلان عابباسوۆ
