16:38, 22 - شىلدە 2014 | GMT +5
قىتايدىڭ الەۋمەتتىك جەلىلەرىندە تانىمال بولعان قازاقستاندىق ۆولەيبولشى قىز - فوتو
بەيجىڭ. قازاقپارات - 17 جاستاعى قازاقستاندىق ۆولەيبولشى قىز ءسابينا التىنبايەۆا قىتايدىڭ الەۋمەتتىك جەلىلەرىنىڭ پايدالانۋشىلاردىڭ اراسىندا زور تانىمالدىلىققا يە بولدى، دەپ حابارلادى جەرگىلىكتى ب ا ق.
نەبارى ءبىر-اق كۇندە Instagram-دا ءسابينا التىنبايەۆانىڭ فوللوۆەرلەرىنىڭ سانى 2000 نان اسىپ كەتكەن.
قىتايلىق «فەنيكس» سايتى جازعانداي، قازاقستان ايەلدەر ۆولەيبول كومانداسىنىڭ 20-ءنومىرلى ويىنشىسى ءسابينا التىنبايەۆانىڭ فوتوسۋرەتتەرى قىتايدىڭ الەۋمەتتىك جەلىلەرىن جاۋلاپ الدى. قازاقستاندىق سپورتشى قىزدىڭ بويى - 182 س م.
ءسابينا التىنبايەۆا اقتوبە قالاسىندا سپورتپەن شۇعىلداناتىن وتباسىندا دۇنيەگە كەلگەن. ءۇش جىلدان بەرى ۆولەيبول ويناپ ءجۇر. 2012 - جىلى قىتايدىڭ تسزىيان قالاسىندا ايەلدەر اراسىندا وتكەن ۆولەيبول بويىنشا IX ازيا جاسوسپىرىمدەرى چەمپيوناتىنا قاتىسقان.
