قازاقتىڭءانشى قىزى ماس كۇيىندە كولىك ايداپ كەلە جاتىپ ۇستالدى

الماتى. قازاقپارات - قازاقستاندىق ءانشى، تەلەجۇرگىزۋشى جادىرا قۇتپانوۆا ماس كۇيىندە كولىك ايداپ كەلە جاتقان جەرىندە ۇستالدى.

ءانشىنىڭ ارەكەتى جايلى بەينەجازبا Auto.Lafa.kz پورتالىندا جاريالاندى.

بوستاندىق اۋداندىق ءى ءى ب پوليتسەيلەرى كەشە كەشكە قاراي ساين-اسقاروۆ كوشەلەرىنىڭ قيىلىسىندا كۇدىك تۋعىزعان Infiniti كولىگىن توقتاتقان. كەيىن بەلگىلى بولعانداي، كولىك رۋلىندە تىزگىنىندە «داۋىس International» توبىنىڭ بۇرىنعى ءانشىسى، «ەل ارنادا» تەلەجۇرگىزۋشى بولعان جادىرا قۇتپانوۆا وتىرعان.

جۇرگىزىلگەن مەديتسينالىق تەكسەرۋ بارىسىندا، قىزدىڭ ورتا دەڭگەيدە ماس بولعانى انىقتالدى.

شاتاقشىل بويجەتكەن بوستاندىق اۋداندىق ءى ءى ب الدىندا شۋ شىعارىپ، ءتىپتى پوليتسەيلەردىڭ ءبىرىن تىستەپ، شالبارىن جىرتىپ تاستاعان.

«ول قاسىنداعى قىزدى بىرەسە «كەشيۋ» توبىنىڭ ءانشىسى، قىزىم دەپ، بىرەسە ۋنيۆەرسيتەتكە تۇسۋگە كەلگەن ءسىڭلىم دەپ، ءوز تۇسىنىكتەمەسىندە ابدەن شاتاستى. كەيىن ءتارتىپ ساقشىلارىنا 20 مىڭ تەڭگە بەردىم دەپ مالىمدەدى. ول اقشاسى تەكسەرۋ كەزىندە كولىكتىڭ ىشىنەن شىقتى»، - دەدى پوليتسيا قىزمەتكەرلەرى.

ج. قۇتپانوۆانىڭ كولىگى ايىپ تۇراعىنا قويىلدى.

اۆتور: گۇلميرا عوسمانالي