باتىس قازاقستاندا ءىرى قارا سانى جارتى ميلليونعا جۋىقتادى

ورال. قازاقپارات - باتىس قازاقستان وبلىسىندا بيىلعى ءبىرىنشى جارتىجىلدىقتا 23909,4 ميلليون تەڭگەنىڭ اۋىل شارۋاشىلىعى ءونىمى ءوندىرىلدى.

وبلىستىق ستاتيستيكا دەپارتامەنتىنەن تۇسكەن مالىمەتكە قاراعاندا، بۇل وتكەن جىلعىدان 2,9 پايىزعا ارتىق. سونىڭ ىشىندە 23861,2 ميلليون تەڭگەنىڭ مال، 16,5 ميلليون تەڭگەنىڭ وسىمدىك شارۋالىعى ونىمدەرى ءوندىرىلدى. التى ايداعى مال مەن قۇس ەتى (تىرىلەي سالماقتا 34,4 مىڭ توننا) - 3،3، سيىر ءسۇتى (111,5 مىڭ توننا) - 0،7، تاۋىق جۇمىرتقاسى (79،5 ميلليون دانا) 16,8 پايىزعا ءوسىپ وتىر.

بيىلعى 1- شىلدەدەگى ەسەپ بويىنشا ءىرى قارا سانى 499,5 مىڭعا جەتىپ، جارتى ميلليونعا جۋىقتادى، بۇل وتكەن جىلعى وسى كەزدەگىدەن 7,5 پايىزعا ارتىق. سونداي-اق، قوي (1100,2 مىڭ) - 13,9، ەشكى (232,9 مىڭ) - 3,6، جىلقى (121,8 مىڭ) 14,4 پايىزعا كوبەيدى. تەك تۇيە (3,1 مىڭ باس) - 1,5، شوشقا (27,7 مىڭ) - 2,7, قۇس (963,6 مىڭ) 7 پايىزعا كەمىگەن.