يليا يلين قاتىسپاعان سالماق دارەجەسىندە الماس وتەشوۆ التىننان القا تاقتى

قىزىلوردا. قازاقپارات - اۋىر اتلەتيكادان اناتولي حراپاتىيدى ەسكە الۋعا ارنالعان تۋرنيرگە ۇلتتى قۇراما سپورتشىلارىنىڭ تۇگەلگە دەرلىگى قاتىسقانى بەلگىلى.

«2013 - جىلى الەم چەمپيوناتىندا كۇمىس جۇلدەگەر اتانعان جەرلەسىمىز الماس وتەشوۆ بۇل جولى 105 كەلىگە دەيىنگى سالماقتا سىنعا ءتۇسىپ، التىننان القا تاقتى»، دەپ حابارلادى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن.

الماس جالپى ەسەپ بويىنشا 395 كەلىنى كوتەرىپ، جامبىل وبلىسىنىڭ وكىلى ي. مومىنبەكوۆتەن 15 كەلىگە ارتىق ورىندادى. ول سەرپە كوتەرۋدە 175، جۇلقا كوتەرۋدەن 220 كەلىنى باعىندىردى.

بۇل جولى يليا يلين باسقا سالماقتا سىنعا تۇسكەندىكتەن الماستىڭ مۇمكىندىگى ارتقانى بەلگىلى.

ماماندار وتەشوۆتىڭ الار اسۋى الدا ەكەنىن ايتادى.  

اۆتور: ەلۋباي اۋەزوۆ