ون ءبىرىنشى سىنىپ وقۋشىسى «الەمدەگى ەڭ ۇزىن قىز» اتاندى
رۋمەيسا بۇگىندە ورتا مەكتەپتىڭ 11- سىنىبىندا وقيدى. ول سافرانبولۋ قالاسىندا اتا-اناسىمەن بىرگە تۇرادى. ونىڭ اعاسى مەن اپكەسىنىڭ بويى ءبىر قالىپتى. ال، رۋمەيسانىڭ بويىنىڭ شەكتەن تىس ءوسۋى - «ۋيۆەرا» اتتى سيرەك كەزدەسەتىن دەرتكە شالدىعۋىندا جاتسا كەرەك.
بۇل دەرتكە شالدىققان ادامدار گەنەتيكالىق وزگەرىسكە ۇشىراپ، بويدىڭ توقتاۋسىز وسۋىنەن زارداپ شەگەدى. قىزدىڭ اياق-قولى وتە ۇلكەن بولۋى سەبەپتى اتا-اناسى اياق كيىمدى ارنايى تاپسىرىسپەن امەريكادان الدىرتادى ەكەن. ونىڭ اياعىنىڭ ولشەمى - 47 سانتيمەتر.
رۋمەيسانىڭ «شەكتەن تىس ۇزىن بويى» ءجۇرىپ-تۇرۋ ءۇشىن كەدەرگى كەلتىرەدى. سول سەبەپتى ول ارنايى دايىندالعان مۇگەدەكتەر ارباسىن پايدالانادى.
رۋمەيسا گەلگي تىلشىلەرگە بەرگەن سۇقباتىندا: «مەنىڭ بويىمنىڭ ۇزىندىعى - ءوزىمدى وزگەلەردەن ەرەكشە سەزىنۋگە يتەرمەلەيدى. ءارى ول ماعان ۇنايدى. ۇزىن بوي بيىكتە تۇرعان زاتتاردى الۋ ءۇشىن ىڭعايلى. ەڭ باستىسى ەشكىم مەنىڭ توبەمنەن قاراي المايدى، - دەيدى.
دارىگەر ومەر حاكان ياۆاشوعلى رۋمەيسانىڭ گيننەسس رەكوردتار كىتابىنا ەنۋ ەرەجەلەرىمەن كەلىسە وتىرىپ، رەسمي تۇردە ولشەۋ جۇمىستارىن جۇرگىزدى. ەندى ول جەتكىنشەكتى كۇنىنە ءۇش مارتە تەكسەرىپ وتىراتىن بولادى.
بۇل تۋرالى گيننەستىڭ رەكوردتار كىتابىنىڭ ارنايى مامانى سەيدا سۋباس- گەميسي: «گيننەستىڭ رەكوردتار كىتابىنا الەمدەگى ەرەكشە تۋىلعان ادامدار عانا ەنەدى. رۋمەيسا دەرتكە شالدىعىپ شاراسىز قالسا دا، ءوزىنىڭ ەرىك-جىگەرىنىڭ ارقاسىندا ءومىر ءسۇرىپ كەلەدى. بۇنىڭ ءوزى وسىناۋ ماراپاتقا لايىقتى، ۇلكەن ابىرويلى ءىس، - دەيدى.
دارىگەرلەردىڭ ايتۋى بويىنشا، رۋمەيسانىڭ بويى بۇدان ءارى وسپەيدى. ياعني، ول «الەمدەگى ەڭ ۇزىن بويلى ادام» سانالاتىن سۇلتان كوسەننىڭ رەكوردىن بۇزا المايدى. ەستەرىڭىزگە سالا كەتسەك، سۇلتان كوسەن دە تۇركيا ازاماتى، ءدال وسى رۋمەيسانىڭ جەرلەسى. ونىڭ بويى - 2 مەتر، 51 سانتيمەتر.
بۇعان دەيىن «الەمدەگى ەڭ ۇزىن قىز» اتاعى كانادالىق اننا حەينينگ سۆوننىڭ ەنشىسىندە بولاتىن. ال، «تاريحتاعى ەڭ ۇزىن بويلى ادام» رەتىندە امەريكالىق روبەرت ۋودلوۋدىڭ ەسىمى اتالادى. ونىڭ بويى 2 مەتر، 72 سانتيمەتردى قۇراعان.
دايىنداعان: نۇرجىگىت ايدارحان
massaget.kz
