تەرەزەنى جۋۋ ادىستەرى

استانا. قازاقپارات - ءۇي جيناۋ بارىسىندا ەڭ قيىن جۇمىستاردىڭ ءبىرى - تەرەزەنى ءسۇرتۋ. ءبىرىمىز بويىمىز جەتپەي الەك بولساق، ەندى ءبىرىمىز ەكى جاعىن دا سۇرتۋگە ەرىنەمىز. قانشا سۇرتسەك تە، ايعىز بولىپ قالاتىنى تاعى بار. ولاي بولسا، نازارلارىڭىزعا تەرەزەنى دۇرىس ءسۇرتۋدىڭ بىرنەشە ءادىسىن ۇسىنامىز.

- تەرەزەنىڭ ىشكى بولىگى بۋلانىپ نەمەسە اياز قاتىپ قالماس ءۇشىن گليتسەريننىڭ ءسپيرتتى ەرىتىندىسىمەن سۇرتۋگە بولادى. ارتىنشا فلانەلمەن نەمەسە زامش ماتامەن ءسۇرتىڭىز؛

- كىرلەگەن تەرەزەنى حلور اگىمەن ءسۇرتىپ كەتىرۋگە بولادى. 1 ليتر سۋعا 50 گرام اك جەتكىلىكتى؛

- بۇدان باسقا ايعىز تەرەزەنى سۋىق سۋعا قوسىلعان كراحمال ەرىتىندىسىمەن سۇرتۋگە بولادى. ەرىتىندىنى دايىنداۋ ءۇشىن 1 ليتر سۋعا 1 اس قاسىعىن قوسىڭىز؛

- سىركە سۋىنىڭ ءبىر ستاقان سۋعا قوسىلعان قويۋ ەرىتىندىسى تەرەزەنىڭ ايعىزىن بىردەن كەتىرەدى؛

- بۇدان وزگە ۇنتاق تارىزدەس بورمەن نەمەسە ءتىس ۇنتاعىمەن جۋىڭىز. ءبىر ستاقان سۋعا 2-3 اس قاسىق بور قوسىپ، ارالاستىرىڭىز. وسى قوسپامەن جۋعان سوڭ كەپكەنىن كۇتىڭىز. كەپكەننەن كەيىن جۇمساق ماتامەن ءسۇرتىڭىز؛

- ەگەر تەرەزەگە شىبىن نەمەسە ماسا ولەكسەلەرىنىڭ جابىسىپ قالعانىن بايقاساڭىز، ونى بىلايشا تازارتىڭىز: كەسىلگەن پيازبەن، ارتىنشا شۇبەرەكپەن ءسۇرتىڭىز.

- تەرەزەنىڭ جاقتاۋىنا جابىسىپ، ارەڭ اشىلاتىنىن بايقاساڭىز، سابىنمەن ءسۇرتىڭىز؛

- تەرەزەنىڭ جاقتاۋىن بوياۋ بارىسىندا اينەگى بىلعانۋى مۇمكىن. سوندىقتان بۇل ءراسىمدى باستاماس بۇرىن قاعاز جولاقتارىن جابىستىرىپ قويىڭىز؛

ال ءسىز قالاي جۋاسىز؟

دايىنداعان: توميريس ساعىندىق

massaget.kz