تۇركيادا قازاقتاردىڭ كىشى قۇرىلتايىنا دايىندىق جۇرگىزىلۋدە

الماتى. قازاقپارات - باۋىرلاس تۇركيا ەلى ءوز جەرىندە قازاقتاردىڭ كىشى قۇرىلتايىن وتكىزۋگە بەلسەندى دايىندىق ۇستىندە.

شىلدەنىڭ 31- ىندە تۇركيادا وتەتىن ايتۋلى شاراعا دايىندىقتىڭ جاي- جاپسارىن قازاقپارات تىلشىسىنە دۇنيەءجۇزى قازاقتارى قاۋىمداستىعىنىڭ ۇيىمداستىرۋ ءبولىمىنىڭ مەڭگەرۋشىسى بوتاگوز ۋاتقان ايتىپ بەردى.

 «كىشى قۇرىلتايعا 16 ادامنان تۇراتىن قازاقستاندىق دەلەگاتسيا مەن ەۋروپانىڭ 10 شاقتى ەلىنەن، قىتايدان قازاقتار قاتىسادى دەپ كۇتىلۋدە. تۇركيانىڭ وزىندە 1000 عا جۋىق قازاق قۇرىلتايعا اتسالىسپاق. اتالمىش قۇرىلتاي اياسىندا ەلباسىنىڭ « ءبىر ماقسات، ءبىر مۇددە، ءبىر بولاشاق» اتتى جولداۋىن تالقىلاۋعا باعىتتالعان حالىقارالىق دوڭگەلەك ۇستەل ۇيىمداستىرۋ جوسپارلانىپ وتىر. سونىمەن قاتار، «ۇمىت بولعان ۇلتتىق تاعامداردى جاڭعىرتۋ» ، «ۇلتتىق كيىم» ۇلگىلەرىنىڭ كورمەسى جانە قازاقستان ونەر شەبەرلەرىنىڭ گالا- كونتسەرتى ۇسىنىلماق» ، - دەدى ب. ۋاتقان.

دۇنيەءجۇزى قازاقتارى قاۋىمداستىعىنىڭ ۇيىمداستىرۋ ءبولىمىنىڭ مەڭگەرۋشىسى بوتاگوز ۋاتقان شىلدەنىڭ 14-17 -  كۇندەرى دايىندىق بارىسىمەن تانىسۋ ءۇشىن ىستامبۇل قالاسىنا بارىپ قايتتى.

 ءىسساپار بارىسىندا مامان قازاقستاننىڭ ىستامبۇل قالاسىنداعى كونسۋلى سەرجان سارسەنبايەۆپەن، ىستامبۇل قالاسى اكىمشىلىگىنىڭ مادەنيەت ورتالىعىنىڭ مەنەدجەرى ساليح دوعانمەن، ءتۇرلى قوعامدار مەن قورلاردىڭ جيىرمادان استام باسشىلارىمەن، قازاق- تۇرىك ءبىلىم جانە زەرتتەۋ قوعامى وكىلدەرىمەن، ياسساۋي ءبىلىم جانە زەرتتەۋ قاۋىمداستىعىنىڭ ءتوراعاسى گۇلەن قىزارشىمەن كەزدەسىپ، قۇرىلتاي باعدارلاماسىمەن تانىستىردى.

اۆتور: گۇلميرا عوسمانالي