08:39, 22 - شىلدە 2014 | GMT +5
زەرتتەۋ: كومپيۋتەر ادامداردى تاماق كوپ جەۋگە ماجبۇرلەيدى
استانا. قازاقپارات - كومپيۋتەردىڭ نەمەسە باسقا دا گادجەتتەردىڭ كوگىلدىر ەكرانى توق ادامدى دا 10-15 مينۋت وتكەن سوڭ قارنىن اشىرا باستايدى. بۇنداي پىكىردى امەريكالىق ماماندار ايتۋدا.
ولار ءوز ەركىمەن قاتىسۋشىلار اراسىندا تاجىريبە جۇرگىزگەن. الدىمەن قاتىسۋشى ادامداردى تويدىرىپ تاماقتاندىرعان، سوسىن گادجەتتەر تاراتقان. ولار گادجەتپەن 15 مينۋتتاي وتىرادى.
انىقتالعانداي، ميدىڭ اشىعۋ سەزىمىمەن بايلانىستى بولىگىنە كوگىلدىر ءتۇس اسەر ەتەتىن كورىنەدى. ناتيجەسىندە 15 مينۋتىن كوگىلدىر ەكراننىڭ قاسىندا وتكىزگەن ادامنىڭ تەز قارنى اشادى.
مامانداردىڭ پىكىرىنشە، گادجەتتەردى بەلەسەندى قولدانۋ قازىرگى كەزدە سەمىزدىكتىڭ بەلەڭ الىپ وتىرعانىنا بىردەن- ءبىر سەبەپكەر، دەپ جازادى شەتەلدىك ب ا ق.
