قىزىلوردا وبلىسىنىڭ اكىمى اۋىزاشار بەرىپ، جاماعاتتى قادىر تۇنىمەن قۇتتىقتادى

قىزىلوردا. قازاقپارات - قىزىلوردا وبلىسىنىڭ اكىمى ق. كوشەربايەۆ ورتالىق «اقمەشىت- سىرداريا» مەشىتىنە بارىپ، جينالعان جاماعاتتى قادىر تۇنىمەن قۇتتىقتادى، - دەپ حابارلادى وبلىس اكىمدىگىنىڭ باسپا ءسوز قىزمەتىنەن.

 - قادىر ءتۇنى - ادامزات بالاسىن بىرلىككە، باۋىرمالدىققا، اتا- انانى قۇرمەتتەۋگە، جاقسىلىققا شاقىراتىن رۋحاني ءسات. قازىرگى ۋاقىتتا ءبىزدىڭ باستى ماقساتىمىز - ءداستۇرلى ءدىنىمىزدى، سالت- ءداستۇرىمىزدى شىنايى دارىپتەۋمەن بىرگە جاس ۇرپاقتى يماندىلىق پەن سالاۋاتتى ءومىر سالتىن تاربيەلەۋ، رۋحاني بىرلىك پەن ءدىني توزىمدىلىككە باۋلۋ. جاستارىمىز دىنگە بەرىك، ىلىمگە جەرىك بولۋ كەرەك. بارشاڭىزدىڭ قاسيەتتى رامازان ايىنداعى جانە بۇگىنگى قادىر ءتۇنى تىلەگەن تىلەك- نيەتتەرىڭىز قابىل بولسىن، - دەدى ايماق باسشىسى ق. كوشەربايەۆ.

ءدال وسى كۇنى وبلىس اكىمى اللا رازىلىعىن كوزدەپ اۋىز بەكىتكەن ءدىن وكىلدەرى، ارداگەرلەر، زيالى قاۋىم وكىلدەرى، ۇكىمەتتىك ەمەس ۇيىمدار مەن ب ا ق وكىلدەرىنە جانە مەشىتكە كەلگەن جالپى جاماعاتقا ارناپ اۋىزاشار بەردى.

رامازان - رۋحاني جاڭارۋ ايى. اللاھتىڭ ادام بالاسىنا بەرگەن شەكسىز نىعمەتى، تەڭدەسسىز سىيى سانالعان ورازا - تىكەندى جەرگە تابان تيگىزبەي، ساقتانىپ جۇرەتىنىمىز سەكىلدى، كۇناعا بەتپە- بەت كەلۋدەن ساقتايتىن، جان- دۇنيەمىزدى، مىنەز- قۇلقىمىزدى جاقسىلىققا تاربيەلەيتىن، رۋحاني تۇلەپ شىعاتىن قۇلشىلىق. ال، ءقادىر ءتۇنى جاسالعان ىزگى امالداردىڭ ساۋابى ەسەلەنىپ قايتادى.

ق م ب د وكىلى، «اقمەشىت- سىرداريا» مەشىتىنىڭ باس يمامى تالعات وماروۆ قاسيەتتى قۇراننان سۇرە وقىپ، ساۋابىن دۇنيەدەن وتكەن بارشا مۇسىلمان قاۋىمىنا جانە جينالعان جاماعاتتىڭ وتباسىنان دامەتكەن ءارۋاقتارىنا باعىشتادى.

اۆتور: ەلۋباي اۋەزوۆ