08:13, 22 - شىلدە 2014 | GMT +5
قازاقستاندىق ءانشىنىڭ سۋرەتى بار لاتۆيالىق پوشتا ماركاسى شىقتى
استانا. قازاقپارات - لاتۆيالىق پوشتا بيىل «جاڭا تولقىن-2014» بايقاۋىندا قازاقستان اتىنان شىعاتىن ءانشى الىشەر كارىموۆتىڭ سۋرەتى بار ماركا شىعاردى، دەپ جازادى kaztv.kz.
«كونكۋرس ۇيىمداستىرۋشىلارى مەنىڭ سۋرەتىم بار پوشتا ماركاسىن شىعاردى. سونداي-اق، بۇگىن مەن جەكە ءومىرىم تۋرالى العاش رەت اتا-اناما حات جازدىم»، - دەيدى ءانشى ءوزىنىڭ شاعىن بلوگىندا. سوزىنە دالەل رەتىندە الىشەر الەۋمەتتىك جەلىلەرگە ماركانىڭ سۋرەتىن جانە اتا-اناسىنا ارنالعان حاتتى ۇستاپ تۇرعان فوتوسىن جاريالاعان.
بايقاۋعا قاتىسۋشىلاردىڭ سۋرەتى بار ماركا شىعارۋ ءداستۇرىن لاتۆيا كونكۋرس الدىندا ۇنەمى ۇيىمداستىرادى.
ەسكە سالا كەتەيىك، بايقاۋ شىلدە ايىنىڭ 22-27 ارالىعىندا لاتۆيانىڭ يۋرمالا قالاسىنداعى «دزينتاري» كونسەرت زالىندا وتەدى. وعان الەمنىڭ 13 ەلىنەن 16 ءانشى قاتىسادى.
حالىقارالىق كونكۋرستى «قازاقستان» ۇلتتىق تەلەارناسى تىكەلەي ەفيردە كورسەتەدى.
