قارجى ءمينيسترى: قازاقستاندىقتار بۇرىندارى جاسىرىپ كەلگەن مۇلىكتەرىن جاريا ەتۋ مۇمكىندىگىنە يە بولادى
«بۇگىنگى ناۋقاننىڭ بۇعان دەيىنگى شارالاردان ءبىر ەرەكشەلىگى اكسيادا بانك شوتتارىنداعى قارجىنى كورسەتۋ عانا كوزدەلەدى جانە اكسيادا بيۋجەتكە 10 پايىزدىق تولەمدى اۋدارۋ ارقىلى مۇلىك پەن اقشا جاريا ەتىلدى. بۇل قاراجاتتى ەكونوميكاعا تارتۋ مىندەتتى ەمەس ەدى. بۇگىنگى ناۋقاندا زاڭداستىرىلعان مۇلىك تابىس بولىپ تابىلمايدى، ياعني سالىق سالىنبايدى. ءبىراق بۇل قاراجاتتىڭ ەسەپشوتقا ءتۇسۋى ءتيىس»، - دەدى ق ر پرەمەر-ءمينيسترىنىڭ ورىنباسارى - قارجى ءمينيسترى باقىت سۇلتانوۆ تەلەكوپىر بارىسىندا.
ۆەدومستۆا باسشىسىنىڭ ايتۋىنشا، زاڭداستىرۋ باعدارلاماسى جۇمىس ىستەمەي، جاسىرىلىپ وتىرعان، كولەڭكەلى ەكونوميكادا جۇرگەن مۇلىك پەن اقشانى ەكونوميكاعا تارتۋدى كوزدەپ وتىر.
«جۇرگىزىلىپ جاتقان ناۋقاننىڭ كاپيتالدى زاڭداستىرۋ بويىنشا وتكەن ايدا قابىلدانعان زاڭعا سايكەس جۇرگىزىلەدى. بۇل زاڭ جوباسىن ەلىمىزدىڭ ۇكىمەتى قىسقا مەرزىم ىشىندە ەلباسىنىڭ تاپسىرماسىن ورىنداۋ ماقساتىندا دايىنداپ، پارلامەنتكە ەنگىزدى. بيىل ۇلتتىق ينۆەستورلار كەڭەسىندە ەلباسى ەلىمىزدىڭ 2050 -جىلعا دەيىنگى دامۋ ستراتەگياسىن ىسكە اسىرۋ ماقساتىندا سىرتقى ينۆەستورلارعا جاڭا مۇمكىنشىلىك بەرۋ تاپسىرماسىن بەرگەن ەدى. ول ءۇشىن جاقىندا جاڭا زاڭ قابىلداندى. ول جاڭا ينۆەستيتسيالىق پرەفەرەنتسيالاردى كوزدەيدى. وسى ماقساتتا ۇلتتىق قوردان 1 ترلن تەڭگەنى ءبىز ەكونوميكاعا قۇيىپ جاتىرمىز»، - دەدى ب. سۇلتانوۆ.
«ەڭ ءبىرىنشى كوزدەيتىن ماقساتى - ەكونوميكاعا سىرتقى رەزەرۆتەردى تارتۋ. ەكىنشىدەن، حالىق قازىرگى تاڭدا جۇمىس ىستەپ وتىرعان مۇلىكتى زاڭداستىرا وتىرىپ ۇلكەن مۇمكىندىكتەرگە يە بولادى. سەبەبى، مۇلىك جاسىرىلماي، اينالىمعا كىرگەننەن كەيىن جاڭا تابىستاردى الىپ كەلەدى»، - دەدى.
ونىڭ ايتۋىنشا، حالىقارالىق جانە قازاقستاننىڭ ءوزىنىڭ ناتيجەلى تاجىريبەسىن قولدانا وتىرىپ 1,5 جىلدا ەل ەكونوميكاسىنا جاڭا تۇسىمدەر كەلىپ تۇسپەك، دەپ جازادى strategy2050.kz سايتى.
