استانادا ءسۇت وندىرەتىن زاۋىت ىسكە قوسىلدى - فوتورەپورتاج
اتاپ ايتقاندا، «استانا- بوتتلەرس» ءسۇت پەن شىرىن دايىنداۋ مەن قۇيۋ بويىنشا تەحنولوگيالىق جەلىلەر جۇمىسىن جۇزەگە اسىردى.
«استانا ماڭىنداعى بۇل زاۋىتتا تابيعي تازا ءسۇت پەن قۇرعاق ءسۇتتى وڭدەيتىن جابدىقتار ورناتىلعان. باستاپقى كەزەڭدە زاۋىت قۇرعاق ءسۇتتى وڭدىرەدى، الايدا تاياۋ ۋاقىتتا ءبىزدىڭ قولداۋىمىزبەن 500 باس ءىرى قارا مالعا ارنالعان ءسۇت-تاۋارلى فەرمانى قۇرۋ جوسپارلانىپ وتىر.
وسى باعىتتا بۇل كاسىپورىنعا ۇلكەن قولداۋ جاساماقپىز. زاۋىتتىڭ قۋاتتىلىعى تاۋلىگىنە 100 توننانى قۇرايدى. بۇگىنگى شىعارىلىپ جاتقان ءونىم ەلوردانىڭ ساۋدا جەلىلەرىنە باعىتتالادى. سونىمەن قاتار وسىنداعى ءونىم ەلىمىزدىڭ وزگە وڭىرلەرىنە دە جىبەرىلەتىن بولادى» ، - دەدى «قازاگرو» ۇ ب ح باسشىسى دۋلات ايتجانوۆ.
زاۋىت گەرمانيالىق، اۆستريالىق جانە يتالياندىق زاماناۋي تەحنولوگيالارمەن جابدىقتالعان.
ونداعى ءسۇت ءونىمى «جانىم» ساۋدا ماركاسىمەن شىعارىلادى. مۇنىمەن قوسا زاۋىتتا ەندى الداعى ۋاقىتتا «بالاپان» ساۋدا ماركاسىمەن شىرىن مەن شىرىندىق نەگىزدەگى بالالار تاعامىن ءوندىرۋدى جوسپارلاپ وتىر.
اۆتور: رۋسلان عابباسوۆ
