جاپ، ەي، كەمپىر، ەسىكتى - وسپانحان اۋباكىروۆ
ال جاڭا بۋىن جاستار ونى قولىنا الىپ وقي باستاعاننان استارلى وي مەن ادەمى ازىلدەرگە تەرەڭدەي بەرەرى ءسوزسىز.
وسپانحان اۋباكىروۆتىڭ جيناقتارى قازاق ادەبيەتىنە قوسىلعان ۇلكەن قازىنا دەۋگە لايىق ەسكىرمەيتىن جانە ەستەن كەتپەيتىن تۋىندىلار.
وسپانحان اۋباكىروۆتىڭ ساتيريك جازۋشى عانا ەمەس، ول تاماشا اقىن. ونىڭ استارلى تەرەڭ ولەڭدەرى، ادامدى كۇلدىرە وتىرىپ ويلانتادى.
جاپ، ەي، كەمپىر، ەسىكتى!
(ەرتەگى)
س. مارشاكتان
جابدىق جاساپ مەيرامعا،
كەمپىر تىنباي جۇگىردى.
باۋىرساعىن ءپىسىرىپ،
قۋىرداعىن قۋىردى.
كۇزدىڭ كۇنى سۋىتقان،
جەل كىردى ۇيگە القىنىپ،
- جاپ، ەي، كەمپىر، ەسىكتى، -
دەپ قويدى شال ءبىر تۇرىپ.
- جاپساڭ تۇر دا، جاپ ءوزىڭ،
بوسقا، وتىرماي قاسىنىپ.
بىتپەي جاتقان كوپ ءىس بار.
ءجۇرمىن ءوزىم اسىعىپ:
سول- سول ەكەن، كەرىستى
كەمپىر شالعا شۇيلىكتى.
شال ىزا بوپ كۇيىنىپ،
بەردى بىلاي بۇيرىقتى:
- ءوشىر، كەمپىر، ءۇنىڭدى،
ۇندەمەس پايدا تابادى.
ال كىمدە-كىم قىڭق ەتسە
ەسىكتى سول جابادى.
قاسارىسىپ تىرپ ەتپەي،
ەكەۋى وتىر سىرەسىپ.
وت تا ءوشىپ، ءۇي سۋىدى،
بالە بولدى بۇل ەسىك.
ءۇي قاراڭعى، جارىم ءتۇن،
ەسىك قالدى اڭقيىپ.
كىرىپ كەلدى ءبىر- ەكەۋ.
قۇلاقتارى قالقيىپ.
- كىم بار ەكەن بۇل ۇيدە؟ -
دەدى الگىلەر دۇرىلدەپ
كەمپىر، شالدا دىبىس جوق.
دىزەلەرى دىرىلدەپ.
ال قوناقتار سىبانىپ
سوقتى-اۋ پىسكەن شۇجىقتى،
ەكى قىڭىر تامسانىپ
قاراپ وتىر "قىزىقتى".
تەمەكىسىن قوسا الىپ،
اشىمالدان ءسىمىردى.
ەركىن تويلاپ "قوناقتار"
سەزبەدى ءبىر دىبىردى.
كەتتى ەكەۋى تويدى دا
(بۇلار دا ءبىر ءيت ەكەن)
بىرەۋى ايتتى داۋىستاپ:
- باۋىرساعى شيكى ەكەن.
- پىسكەن! - دەدى كەمپىرى،
ءبىراق بۇل ءسوز كەشىكتى.
ماساتتانىپ شالى تۇر:
- جاپ، ەي، كەمپىر، ەسىكتى.
روزاتايدىڭ بلوگى
